أفضل وقت لتناول الواي بروتين لبناء العضلات

مكملات غذائية
الواي بروتين

الواي بروتين مكمل غذائي منتشر بين الناس في جميع الأعمار. من الأطفال لحد المسنين،
وبتحتوي مكملات إنقاص الوزن كمان على Whey protein اللي بيعمل علي تثبيت الشهية،
وبيستخدمه الشباب عشان يبنوا كتلة عضلية أكبر.

الواي بروتين بتستند في تكوينها علي السائل المتبقي في عملية تحويل اللبن لجبنة،
وهو واحد من نوعين بروتين رئيسيين في اللبن، التاني اسمه بروتين الكازين. ولما نخلط
مادة حمضية زي الخل في اللبن، فالنوعين دول بينفصلوا بروتينات casein  بتتجمع مع بعض
وبتشكل مواد صلبة بنسميها curds  وWhey protein بيكون السائل الأخير اللي بيتبقى
من العملية دي. ممكن نستعمل الواي بروتين في المخبوزات أو الآيس كريم كطريقة صحية لتقليل الدهون الفعلية.

إيه هو الواي بروتين أكثر المكملات شهرة؟

زي كل البروتينات بروتين مصل اللبن بيتكون من لبنات الأحماض الأمينية، وبيستخدم البروتين في الجسم
في المقام الأول لنمو العضلات وإصلاح الأنسجة. بتتقسم البروتينات لأحماض أمينية، والأحماض الأمينية
دي بتبني بروتينات جديدة.

لاعبو كمال الأجسام بيستخدموا Whey protein كمصدر جيد للأحماض الأمينية والليوسين والإيسوليوسين والالين.
بتشكل  الأحماض الأمينية معًا BCAAs واللي بتكون مهمة جدا في بناء العضلات، وفيه 9 أحماض
أمينية أساسية بيحتاجها الجسم عشان يقدر يعيش بالإضافة إلى BCAAS. الواي بروتين
بيحتوي على كل الأحماض الأساسية.

وفي دراسات أكدت أن مكملات بروتين مصل اللبن بيبني نظام مناعي أقوى وتحمل رياضي أعلى،
والواي بروتين بيتوصف بأنه وسيلة عشان تزود الطاقة وتقلل الإجهاد وتحسن التركيز.
وفيه دراسات تانية بتقول أن Whey protein  بيكون ليه دور في زيادة قدرات الجسم
في مكافحة السرطان، وإن الواي بروتين بيساعد على التحكم في نسبة السكر في الدم
وخفض الكوليسترول وعلاج الربو وممكن كمان يمنع الحساسية.

هل Whey protein فعال؟

مكملات Whey protein بتوفر بروتين عالي الجودة في النظام الغذائي، بس معظم المنظمات الصحية،
بما فيها مراكز السيطرة على الأمراض والوقاية منها، بتنصح إننا ناخد البروتين من الأكل عموما
ومش من المكملات، لو انت عندك الخيار ده.. اللحم والفراخ والأسماك والبقوليات والبيض
والمكسرات والبذور واللبن، كلها مصادر كويسة للأحماض الأمينية الأساسية اللي بيحتاجها الجسم.

وفيه دراسات إن اللي بياخدوا واي بروتين قبل أو بعد التمرين، بيحسن قوة العضلات ونمو العضلات
الضعيفة والمناعة عندهم. وفي دراسة أثبتت أن 387 من مشاة البحرية الأمريكية بياخدوا مكملات
البروتين لاختباره في التدريب الأساسي. وبعد 54 يوم المجموعة اللي بتاخد مكملات البروتين
مناعتها كانت أقوى، وزياراتهم الطبية قلت بنسبة 33%  من اللي خدوا علاج وهمي أو مكملات
الكربوهيدرات والدهون، وإن الألم ووالوجع العضلي قل بنسبة 28% في مشاكل العضلات والمفاصل.

ومن بين مكملات البروتين، فيه دراسات أن واي بروتين بيكون له ميزة في زيادة كتلة العضلات،
وفي واحدة من الدراسات قام الباحثون في مختبر الأداء البشري بجامعة كونيتيكت بتقسيم
63 رجل وامرأة لمجموعات بياخدوا مكملات فول الصويا أو مكملات Whey protein،
ومكملات الكربوهيدرات، في نظام تدريبي لمدة تسع شهور. الباحثون لقوا أن المجموعة
اللي بتاخد الواي بروتين اكتسبوا بعض الكيلوجرامات من كتلة العضلات أكثر من المجموعات
اللي بياخدوا مكملات تانية، وده وفقًا لمقال 2013 اللي اتنشر في مجلة الكلية الأمريكية للتغذية.

إيه أفضل توقيت لتناول مكملات الواي بروتين ؟

توقيت تناول مكملات واي بروتين بيغير من مدى فعاليته، وفي بيان مشترك صدر 2009
عن الجمعية الأمريكية للتغذية (ADA) وإخصائي التغذية الكنديين (DC) والكلية الأمريكية
للطب الرياضي (ACSM) أن تناول البروتين أثناء التمرينات الرياضية مبيضيفش الكتير
لتحسين الأداء الرياضي، ووصوا البيان إننا ناخد وجبة خفيفة قليلة الدسم وعالية الكربوهيدرات
متوسطة في مقدار البروتين قبل التمرين، وده لتوفير الطاقة للعضلات.

هضم البروتين بعد التمرين بيوفر الأحماض الأمينية اللي بيحتاجها الجسم لإصلاح وبناء عضلات جديدة.
تناول الواي بروتين مباشرة بعد التمرين بيكون مفيد بشكل خاص لأن Whey protein بيحتوي
على نسبة عالية من الليوسين، وده حمض أميني سهل الامتصاص.

هتلاقي في الكوتش تمارين وأنظمة تغذية مخصصة عشانك ومعها كمان كل المكملات اللي أنت محتاجها
عشان تكمل فورمتك، نزّل أبلكيشن الكوتش وابدأ النهاردة.

المصدر: http://bit.ly/37XbHip