رجيم البيض للتخسيس

تغذية صحية
رجيم البيض للتخسيس

ناس كتير بتتبع رجيم البيض للتخسيس لأنه من أهم وأفضل أنواع الرجيم اللي بيكون غني بالبروتين وفيه نسبة كربوهيدرات وسعرات أقل. 

وطبعاً من اسمه كدا رجيم البيض، أهم عنصر فيه هو البيض ومعروف عن البيض إنه يحتوي على البروتين كعنصر أساسي
وفي بعض أنواع الرجيم بتكون معتمدة على البيض فقط في الأكل. 

النهاردة الكوتش هيتكلم عن أهمية رجيم البيض وعن فوائده وأضراره وأد إيه الرجيم ده ممكن يكون آمن أو غير آمن. 

نظام رجيم البيض للتخسيس

في أنواع كتيرة من رجيم البيض وفي الأغلب الأنواع دي بيكون البيض هو المصدر الرئيسي للبروتين.

وطبعاً بيكون غير مسموح بالكربوهيدرات النشوية زي البطاطس والأرز والعيش وكمان الحلويات والأطعمة الغنية بالسكريات بتكون ممنوعة في النظام الغذائي ده. 

لكن المياه والمشروبات التي لاتحتوي على سعرات حرارية بتكون متاحة عادي في كل أنواع رجيم البيض للتخسيس. 

بتختلف نسبة السعرات في رجيم البيض حسب نوع الشخص وطوله ومستوى نشاطه اليومي. 

مسموح بالبيض المسلوق أو العيون أو المقلي مع مراعاة أن يتم تحضيرهم بدون زبدة أو زيت.

أنواع رجيم البيض الرئيسية بتحتوي على: 

نظام رجيم البيض التقليدي للتخسيس

في النظام التقليدي للتخسيس بيكون البروتين مسموح بيه عادي من مصادر أخرى والنوع ده من الرجيم مشهور جداً
ومشابه لأنواع الرجيم التانية اللي بتعتمد على نسبة بروتين عالية ونسبة كربوهيدرات أقل. 

مسموح فيه بالخضروات الغنية بالبروتين الصافي ونسبة كربوهيدرات أقل زي الكرنب والبروكلي والسبانخ وبتكون كمية الفواكه محدودة في اليوم ممكن تكون من ثمرة لاثنين فقط. 

ممنوع تماماً مصادر الكربوهيدرات زي الباستا والعيش والأرز. 

مثال عن مكونات وجبات رجيم البيض التقليدي: 

  • الفطار: بيضتين وخضار يحتوي على نسبة كربوهيدرات قليلة
  • الغداء: بروتين صافي وسلطة خضراء
  • العشاء: بيض وبروتين صافي وخضار يحتوي على نسبة كربوهيدرات أقل

نظام رجيم البيض والجريب فروت

في  النظام ده بنمشي على نفس الكربوهيدرات القليلة والبروتين العالي زي فوق بالظبط بس بنضيف الجريب فروت لكل وجبة. 

مثال عن مكونات وجبة رجيم البيض والجريب فروت: 

  • الفطار: بيضتين ونص ثمرة جريب فروت
  • الغداء: حصة بروتين صافي وسباخ ونص ثمرة جريب فروت
  • العشاء: حصة بروتين صافي زي سمك مثلاً أو بيض ونص ثمرة جريب فروت

نظام رجيم البيض القاسي

النظام ده بيسمح بالبيض والمياه بس في كل وجبة وبيكون صعب جداً وشاق على أغلب الناس لأن الالتزام بيه لمدة طويلة
بيزهق أغلبية الناس. 

لكن إنك تاكل نوع واحد من الأكل مش طريقة آمنة للتخسيس لذلك نظام رجيم البيض القاسي ده مش الحل المفيد
أو الاختيار الصحيح لأنه ممكن يتسبب في نقص بعض العناصر الغذائية. 

سؤال مهم، هل أنواع الرجيم دي مؤثرة؟ 

جميع أنواع رجيم البيض بتاخدك لطريق واحد وهو إنك تاكل سعرات حرارية أقل وده معناه إنه مؤثر جداً على فقدان الوزن
وفي وقت قليل جداً وكمان نقطة إن الأنظمة دي بتعتمد على نسب عالية من البروتين فده بيساعد بفعالية على فقدان الوزن. 

بحسب الأبحاث التي أجرتها صحيفة كلينكال نيوترشن الأمريكية فقد وضحت أن نظام التخسيس الغني بالبروتين بيساعد المشاركين فيه على الشعور بالشبع وفقدان الوزن.

البيض عنصر غني بالبروتين وبيحتوي على فيتامينات ومعادن مفيدة للجسم منها B-12 وفيتامين D وكمان حديد. 

بالرغم من إن البيض بيحتوي على عناصر غذائية أساسية وبيساعد على فقدان الوزن إلا إن نظام رجيم البيض ممكن ميكونش
هو أفضل طريقة في فقدان الوزن والحفاظ عليه. 

حتى لو فقد أحد الأشخاص الوزن المشكلة هتكون في إنه يحافظ على نفس النظام الغذائي الشاق ده لمدة طويلة لأنه
لو متبعش نفس النظام هيزيد الوزن بسهولة وبسرعة مرة أخرى. 

كمان النوع ده من الرجيم ممكن يسبب الكسل والإرهاق لبعض الناس خلال اليوم بسبب قلة نسبة الكربوهيدرات الموجودة فيه. 

الخلاصة: 

بالرغم من إن البيض مصدر غني وصحي بالبروتين إلا إنه مينفعش يبقى هو الوجبة الوحيدة اللي الواحد يمشي عليها. 

رجيم البيض ممكن يفيد بعض الناس في إنهم يخسوا بسرعة لكنه مش مضمون في إنه يكون خطة الواحد يمشي عليها على المدى الطويل. 

ورغم إن رجيم البيض التقليدي بيخليك تدخل مصادر بروتين صافي خارجية وخضروات إلا إنه بردوا مازال بيمنعك عن أكلات وعناصر غذائية كتيرة مفيدة وده ممكن يتسبب في أضرار جانبية. 

بالنسبة لأغلب الناس، صعب جداً إنهم يلتزموا برجيم البيض لأن أغلبهم بيحبوا يرجعوا لعاداتهم الطبيعية في الأكل وده هيخليهم يزيدوا تاني بسرعة كبيرة. 

يعني نصيحة الكوتش ليك إن رجيم البيض كويس على المدى القصير وفعال في خسارة الوزن لكن في طرق تانية أفضل للتخسيس منه والطرق دي طبيعية جداً وهي إنك تعمل تغييرات مفيدة جداً في حياتك زي مثلاً إنك تبعد عن أي مأكولات مصعنة وتقلل من استهلاك اللحوم والألبان وتاكل أسماك وفواكه وخضروات طازة وده هيكون أفضل ليك إنك تحسن صحتك ووزنك مع مرور الوقت. 


المصدر: 
https://bit.ly/2Ljmkow