أفضل وقت للتمرين في رمضان للحفاظ على اللياقة وكتلة العضلات

رشاقة وتخسيس
أفضل وقت للتمرين في رمضان

صعب أنك تحافظ على روتين التمارين المعتاد في رمضان بسبب نقص السوايل وأوقات النوم المتقطعة، لكن لازم تلاقي وقت للتمرين وتحافظ عليه عشان تحافظ على مستوى لياقة عالي وعقل صافي واستقرار معدلات الحرق، علشان كده هنعرف هنا أفضل وقت للتمرين في رمضان.

ما أفضل أنواع التمارين؟

هنركز على 3 أنواع من التمارين، هي: تمارين القوة والكارديو والمرونة. والأولوية هنا لتمارين القوة بسبب أن أي فقد في كتلة العضلات هيبطأ عملية التمثيل الغذائي، والهدف هو تجنب فقدان العضلات وانخفاض معدل التمثيل الغذائي.

عندما يتعلق الموضوع بالكارديو بنوصي بجلسة لمدة 30 دقيقة كل يومين، وبسبب الجفاف، فجسمك هيستخدم مخازن الدهون كمصدر للطاقة، خاصة لو هتتمرن قبل الفطار و ممكن تعاني من انخفاض في ضغط الدم في الأول عشان كدة لازم تحافظ على تمارين التسخين.

ولو هنشتغل على تدريبات المقاومة، اختار التمارين اللي بتستهدف الجزء العلوي من الجسم قبل الجزء السفلي عشان تتجنب أي انخفاض في ضغط الدم في التمارين أو بعده. وحافظ على تدريبات المرونة عشان لما ترجع تمارس الرياضة بشكل طبيعي تاني بعد رمضان.

اعرف من هنا: النظام الغذائي في رمضان وتفاصيله لفقدان الوزن والدهون.

أفضل وقت للتمرين في رمضان

في الصيام ومع ارتفاع درجات الحرارة وعدم وجود سوايل ممكن تعرض صحتك للخطر لو ضغطت على نفسك، عشان كده مبننصحش بتمارين الكارديو المكثفة وتمارين الوزن التقيل في الصيام، وممكن تخلي تمارين الكارديو مرتين بس في الأسبوع.

أفضل 4 أوقات للرياضة في رمضان وفقًا لـ Fitness First:

1- 90 دقيقة قبل المغرب

الوقت ده كويس جدا للي عايزين يتمرنوا على معدة فاضية، كمان بيبقى قدامك وقت قليل علشان تزود نفسك بالسوايل، ممكن نتمرن تمارين المقاومة أو بأوزان خفيفة أو مشي سريع أو حتى الجري الخفيف. Bushra Badarein خبيرة تغذية بتقول إن ممارسة الرياضة قبل الفطار بتعزز قدرة الجسم علىحرق الدهون بنسبة 100%.

كمان Eyas Al Musa استشاري أمراض القلب بيقول إن أحسن وقت للتمرين بيعتمد على الفرد نفسه، لكنه بيوصي بالتمرين قبل الفطار لو الشخص مش بيعاني من الجفاف، حتى بالنسبة لمرضى القلب ممكن يمارسوا الرياضة قبل الفطار لمدة 35 دقيقة لو مفيش دواء بيمنعهم من أداء أنشطة بدنية قوية.

2- بعد الفطار

الكارديو دايما بيكون صعب على معدة مليانة، إلا أننا ممكن نأخر ساعة واحدة بعد الفطار، وتعتبر وقت مناسب للتمرين. وممكن نزود عليها المشي بعد صلاة التراويح، بيساعد بنسبة كبيرة في إنقاص الوزن.

3- بين الساعة 11 مساءً و2 صباحًا

بالنسبة للتمارين الليلية، فممكن يكون أفضل وقت للتمرين في رمضان بالليل بين الساعة 11م – 2ص، هتستخدم الطاقة من وجبة الفطار، وهيوفرلك وقت لوجبة تانية بعد التمرين، وراحة، خصوصا لو انت من الناس اللي بتاخد راحة بعد الضهر.

4- بين الساعة 3 صباحًا و4 صباحًا

وده بالنسبة للأشخاص اللي بيصحوا بدري قبل السحور، فمممكن تتمرن في الوقت ده، وهتقدر تعوض جسمك بالطاقة من وجبة السحور.

أما بالنسبة للمواد الغذائية فنصح Badarein الأشخاص اللي عايزين نظام غذائي صحي أنهم يتجنبوا المشروبات الغازية، والكافيين، والمشروبات الرمضانية، واستبدالها بالعصاير الطبيعية، وتناول الحلويات الرمضانية باعتدال. ونبه بضرورة إضافة الحليب بعد التمرين، عشان يعالج نقص السكر في الدم. الأشخاص اللي بيعانو من ارتفاع نسبة الكوليسترول ممكن يصوموا ويتمرنوا في نفس الوقت، وإضافة فيتامين E للنظام الغذائي للتخلص من الكوليسترول.

تقدر تشترك في أبليكشن الكوتش بسعر مناسب جدا علشان تاخد خطة تغذية كاملة محسوبة السعرات الحرارية حسب وزنك وهدفك، وبرنامج تمرين رياضي كامل بتختاره سواء هتتمرن في البيت أو الجيم، مع وجود خدمة مساعد الكوتش اللي بتقدر تسأل فيها إخصائي التغذية والكوتش عن أي أسئلة محتاج تعرفها.. حمل الأبليكشن دلوقتي.

المصادر: Thenational.ae & Jordantimes