أضرار تمارين سكوات

تمارين وكمال أجسام
أضرار تمارين سكوات

تمارين سكوات من التمارين المركبة لأنه بيشغل الأرداف والفخذين وأهم حاجة في التمارين دي
إنك تعملها بشكل صحيح علشان تستفيد منها في نمو العضلات وطبعاً لو رفعت فيها أوزان زيادة عن قدرتك
أو اتمرنتها أكتر من اللازم أو أديتها بطريقة غير صحيح هتعرض نفسك لإرهاق شديد وإصابات وهي دي ممكن تكون أضرار تمارين سكوات

مش بنقول الكلام ده علشان تقلق من تمارين الاسكوات أو متلعبهاش لكن الفكرة إنك تبقى عارف كل حاجة متعلقة
بيها ولو عاوز تنفذ التمارين دي ده باحترافية، اقرأ مقال “إزاي تلعب سكوات صح؟“. 

من أضرار تمارين السكوات

 الإصابات

من الأسباب المعروفة في موضوع الإصابات ده هي تنفيذ تمارين الاسكوات بشكل غير صحيح أو تجاهل بعض النصائح أثناء اللعب ومن الأخطاء دي، إنك تلعب الاسكوات بقبضة ضيقة جداً أو العكس. 

أو تخلي الوزن طالع بيك لقدام بدل من إنه يكون لورا أو تنزل بالأرداف لتحت جامد تحت الركبة،

الأخطاء دي ممكن تؤدي إلى إصابة الركبة والظهر كمان بسبب إنك مش بتخلي الظهر في الوضعية

الصحيحة وكمان مكان وضع البار ممكن يأثر على الرقبة أو بتسبب بإصابات لو مش وضع صحيح،

الإكثار من تمرين الاسكوات بيؤدي إلى إجهاد العضلات والأوتار والأربطة التي تدعم الركبة. 

الإجهاد

من الأضرار اللي المفروض نتجنبها في تمرين الاسكوات هي تكرار الحركات واللعب بأوزان ثقيلة جداً تمنعك من
أداء التمرين بشكل صحيح لأن العادات دي بتأثر على المفاصل والأوتار والأربطة.

التكرار المفرط للتمرين ممكن يؤدي إلى ألم في المفاصل والعضلات يعني المفروض متتمرنش أكثر من اللازم علشان تتجنب التأثير السلبي على العضلة.

في عندنا نوعين من الإرهاق العضلي: النوع الأول هو الإرهاق الحاد والنوع ده بيظهر بعد التمرين مباشرة بسبب إنشاء حمض اللاكتيك والنوع الثاني هو الإجهاد المتأخر والنوع ده بيحصل في مدة من يوم لخمسة أيام بعد التمرين. 

علشان نتجنب الإجهاد ده لازم نوفر وقت راحة مناسب بين التمارين علشان عدم الراحة بيؤدي إلى زيادة الإجهاد وزيادة فرص الإصابة. 

عدم توازن العضلات

ضروري إن تكون جميع برامج التمرين مبنية على نظام متساوي في الكثافة والقوة بالنسبة للعضلات،
يعني لازم تكون التمرينة بتشمل كل مجموعة من العضلات، لو قولنا مثلاً إن مجموعة عضلات الفخذين الأمامية دي بتقابلها (عكسها) مجموعة عضلات أوتار المأبض يبقى لما نركز التمرين على عضلات الفخذين ونتجاهل أوتار المأبض هتلاقي نفسك عندك عضلات الفخذين قوية لكن عضلات أوتار المأبض ضعيفة وده هيخلي العضلات فيها ضعف من ناحية أوتار المأبض.

فقدان المرونة

أحياناً بتتسبب القوة المكتسبة من تمارين الاسكوات بتضييق أوتار وأربطة العضلات والأنسجة الضامة في مفصل الركبة.
حدوث مثل هذا الشيء بيأثر على نمو مجموعات العضلات المقابلة وبيقلل مدى المرونة،

وبالتالي تتسبب قلة المرونة في زيادة الألم والتعرض للإصابات.

نتائج غير مرغوب فيها 

ترتبط زيادة القوة العضلية بزيادة الضخامة، والنتيجة إن في ناس ممكن ميكنش هدفها زيادة الوزن، وبالتالي بيحصلوا على وزن زيادة مع نمو العضلات وده ممكن ميكونش هدف بالنسبة لناس تانية عاوزة تخسر وزن. لذلك من الضروري جداً فهم تأثيرات التمرين والنتائج بتاعته علشان نوصل لنتيجة مرضية.

بعد ما عرفنا أضرار تمارين سكوات اتمرن صح بالفيديو والمعلومات الصحيحة على أبلكيشن الكوتش النهاردة وابدأ طريقك للياقة والقوة.


المصدر:
https://bit.ly/2LdOZez