قصص أبطال الكوتش في التحول لحياة صحية

نشرنا قبل كده سلسلة مقالات عن قصص نجاح أبطال الكوتش والنهاردة هنتكلم عن باقي أبطالنا…

أبطال الكوتش الجزء الرابع

في المقال ده هنكمل كلامنا عن أبطال الكوتش اللي وصلوا معانا لمراحل متقدمة في التحدي

وعملوا تغيير حقيقي في حياتهم، أول واحد معانا النهاردة:

أحمد نادي

أحمد كلمنا عن تجربته بنفسه وقال:

بص يا كوتش هو الموضوع بدأ معايا اني بدأت ازيد في الوزن بشكل كبير وسريع
فا من غير ما احس وصلت لوزن ١٣٣ مثلا واللبس كله مبقاش يقفل، ابتديت الاحظ ظهور أعراض غريبة
جدا زي النهجان من اقل مجهود وضيق تنفس.
روحت كشفت و عملت تحاليل كالسيوم و طلع النسبة بتاعة الكالسيوم كويسة عندي لكن الجسم مش بيمتصها
ومش بيستفيد منها نتيجة الدهون الزايدة المتراكمة علي حد كلام الدكتور ،
كنت ف اسكندرية نهاية شهر ١٠ اللي فات و قررت ابتدي في التخسيس بس مكانش في خطة واضحة
وجسمي مكانش يقدر علي رياضة ساعتها بالاعراض اللي قلتها دي فوق كنت ابتديت اتمشي كتير بداية من شهر ١١ و قللت اكلي عن العادي.
وصلت لشهر واحد كنت خسيت شوية.

إزاي عرفت الأبلكيشن واشتركت في مسابقة أبطال الكوتش

بالصدفة البحتة لحد لقيت اعلان عالفيسبوك مسابقة الكوتش و عجبتني الفكرة وقلت اجرب ونزلت الابلكيشن
فنفس اليوم لإني مكنتش اعرفه، اشتركت ونسيت لحد ما لقيت حد بيكلمني من تيم الكوتش انت اشتركت معانا وبيتابعوني،
وفعلوا اشتراك شهرين وبدأت المسابقة وزني ١١١,٤كجم بصيت على نظام الاكل لقيته بالنسبة للي كنت بمشي عليه يعتبر فري
في الاول اخترت تمارين منزلية لمدة شهر عشان مش بنزل جيم وبدأت متأخر نص أسبوع عدت أول مرحلة نزلت فيها 5,2 كجم بمنتهي السهولة
وده كان بعد ثبات وزن أكتر من ٣ اسابيع وبدأت المرحلة الثانية و الواحد اتشجع و كمل واسبوعين تانيين نزلت فيهم لوزن ١٠٢،٦ كجم يعني حوالي تسعة كيلو.

إزاي نقلت من تمارين البيت للجيم

وخلال المرحلتين دول قدرت اوصل من ٥ -٧ عدات ضغط لحد ٣٠-٣٥ عدة وده كان الانجاز اللي خلاني غيرت نظام التمارين إلي جيم وابتديت انزل جيم واتمرن بحماس،
التمارين كانت هايلة و متنوعة جداً ومنظمة وده اللي شد الجسم جدا و فرق الشكل كبييير اووي والكتلة العضلية.
والمرحلة الثالثة انتهت وانا وزني بقي ٩٩,٦ كجم و جت المرحلة الاخيرة بقي وانا مكمل تمارين ف الجيم و نظام التغذية
والمرحلة الاخيرة انتهت و انا وزني ٩٦,٣ كجم يعني إجمالي ١٥,١ كجم في حوالي ٧ اسابيع لاني بدأت متأخر ده غير فرق الشكل والكتلة العضلية.

كل العمليات اللي كان المفروض اعملها الحمد لله اتلغت وده لإن لما وزني نزل كل الأعراض اللي كانت بتظهر اختفت الحمد لله.

أحمد نادي خسر ١٦ كيلو في سبع أسابيع تقريبا وده إنجاز يستحق عليه هدية التحدي واشتراك سنة مجانا في الكوتش??

5 طرق سهلة هتساعدك في فقدان الوزن الزائد بسهولة.

محمد السيد 

بيقول عن تجربته مع الكوتش:

مبدئيا قبل مشوف ان فيه مسابقة وكدة حرفيا كل يوم بنام بنوي ابدأ بكرة كان نفسي اخس..
وزني عمال يزيد بطريقة غريبة بعد الجواز، انا خاطب وانا ٩٠ كيلو …. بعد الجواز بـ ٦ شهور بقيت تقريبا ١١٧ كيلو
لقيت مسابقة الكوتش هيروز. مسكت فيها بايدي وسناني وقدمت،
ونزلت بقي جبت اكل الدايت وعملت انبودي و ظبطت دنيتي اني لازم لازم اخس.

والنتيجة كانت أيه؟

والحمد لله خسيت ١٧ كيلو في شهرين
اول حاجة كنت بجري جري حر من ٤ لـ ٦ كيلو يومياً. تقريبا ٥ أيام في الاسبوع.
تابعت يومين علي الابلكيشن تمارين منزلية وفرهدتني بصراحة وجسمي كله شد..
عرفت إنها جابت نتيجة غير إني لقيت لما جسمي شد حسيت بتناسق خلال يومين..
متخيل يومين حسيت جسمي شد وضهري اتشد كدة
بس أنت متخيل ١٧ كيلو يعني ايه؟
الواحد لو جاب كيلو طماطم وكيلو بطاطس وكيلو برتقال وشالهم من السوق ومشي بيهم شوية ايده بتوجعه
متخيل بقي بتريح رجلك ومفاصلك وعمودك الفقري واعصابك من ١٧ كيلو!
فعلاً الحمد لله ليكو خلتوني اخس وكنت مستني الفرصة دي من فترة كبيرة اوي.

“شكرا للكوتش بجد
انصح الناس إنها تجرب التمارين المنزلية بجد حاجة وهم”

نسمة محمد فازت معانا تاني

فاكرين نسمة من المرحلة الأولى كسبت معانا لإنها خسرت ١٢ كيلو من وزنها

وكملت في المراحل اللي بعد كده من مسابقة أبطال الكوتش، وفي المرحلة دي كان وزنها ٨٠ وفي أخر تحدي وصلت لـ ٧٤ كيلو ?

ولسه مكملة معانا إن شاء الله…

انت كمان تقدر تبدأ رحلة التغيير دلوقتي وتحمل الكوتش على موبايلك وتختار برنامج التمارين الرياضية
اللي يناسبك زي التمرين في المنزل واللي ناس كتير بتختاره حاليا، وتتابع معانا كمان من جوه الأبليكشن
مع الكوتش وإخصائي التغذية لأي أسئلة عندك عن التمرين أو الأكل، كل ده بالإضافة لنظام التغذية
اللي هتحصل عليه واللي محسوب ليك بالظبط حسب عدد السعرات الحرارية اللي جسمك محتاجها
عشان توصل للجسم المثالي اللي بتحلم بيه، الكوتش هيحددلك وجبات الفطار والغدا والعشا والسناك
بمكوناتها وطريقتها، وكمان بدايلها علشان لو فيه حاجة مبتحبهاش أو مش متوفرة في الوقت الحالي.