9 من أهم فوائد تمارين الظهر الشكلية والصحية

اهم فوائد تمارين الظهر مبتقتصرش بس على الفوايد الصحية من تقوية العضلات
ومنع الإصابات، لكن بتمتد كمان للفوايد الشكلية للظهر بإنها تحسن وضعيته،
وتساعدك على الوصول لشكل V اللي الناس كلها بتحبه وعايزه توصله.

9 من أهم فوائد تمارين الظهر

1- بيساعد تمرين الضهر على تحسين وضعية الجسم

من اهم فوائد تمارين الظهر أنه بيساعد جدا في تحسين وضع الجسم بسبب التدهورات
اللي بتحصله بطبيعة السن، أو بسبب إهمال التمرين نفسه في الجيم مع الحفاظ
على التمارين التانية، واللي بيترتب عليه فقدان الوضع السليم القائم أو عدم توازن الكتف.

2- بتساعد في منع الإصابات

تمارين الضهر بتخفف الألم الناتج عن الجلوس لساعات طويلة أو لظروف العمل
اللي بتستدعي ده، وكمان بتقلل من نسب الإصابات اللي بتترتب على ده، وبتحسن
كفائتك وفاعليتك لو حافظت عليها بانتظام.

اعرف من هنا.. أفضل تمارين الظهر لبناء عضلات ضهر قوية.

3- بتساعد على زيادة القوة

تمارين الضهر بتزود مستويات الطاقة في الجسم، وبتعزز قوه الأداء، وحسب دراسات كتير
أثبتت أن الاشخاص اللي بيعانوا من ضعف في عضلات الضهر مبيقدروش يقوموا بواجبات
تقيلة، وعلى العكس، الاشخاص اللي بيمتازوا بعضلات ضهر قوية بيقدروا على ده.

4- بتبني شكل الـ V

من اهم فوائد تمارين الظهر لشكل الجسم إنك لو حافظت عليه بصورة منتظمة مرتين
في الأسبوع، بعد 3 شهور هتكتسب شكل الـ V المحبب لكل الرياضين.

5- بتمنع آلام أسفل الظهر

في الحقيقة أن تمارين الضهر بتقوي العمود الفقري، والعضلات الأساسية التانية،
وبالتالي بتساعد على تقليل آلام الضهر.

6- بتساعد على تقوية الحبل الشوكي

يعتبر الحبل الشوكي جزء مهم جدًا من الجسم، الإصابة فيه بمثابة عجز للجسم،
تمارين الضهر بتقوي العمود الفقري والضهر، واللي بيترتب عليه حماية أكبر للحبل الشوكي.

7- بتساعد على تحسين حركات الجسم

تدريب عضلات ظهرك بيزود فاعلية حركتك، وزيادة سرعة حركاتك، وبيزود مرونتك.

8- بيحسن تمرين الظهر تدفق الدم

من اهم فوائد تمارين الظهر هي تحسين تدفق الدم، لأنه إحماءات التمدد للضهر بتساعد
في تعزيز الدورة الدموية، وبتحسن الانتقال العصبي من الدماغ، وده بيقلل من التعب والقلق
والاكتئاب والتوتر. كمان  بتحسن وظايف الشرايين، ووظائف بطانة الأوعية الدموية
في عضلات الظهر، ودا بيحسن صحة الجسم ككل.

9-  تمارين الظهر ممكن تمنع العدوى من الأمراض

عضلات الظهر الأكثر قوة بتكون أكتر مواجهة لـ free radicals في الظهر.(free radicals)
بتؤدي لأمراض الجلد وسرطان الجلد، وعضلات الظهر الخالية من الدهون بتمنع عدوى السموم على ظهرك.

الخلاصة: علشان تحصل على اهم فوائد تمارين الظهر حافظ إنك تتمرن بانتظام،
وخلي بالك الفوايد بتكون فعالة بس لما بيتم تطبيق التمارين بشكل صحيح.
بمعنى أن التمرين بشكل غير صحيح ممكن يؤدي لإصابات مش فوايد، عشان كده
اتبع الشكل الصحيح للتمرين، ومتستخدمش أوزان أكبر من اللازم.

اشترك دلوقتي في أبليكشن الكوتش علشان يمشي معاك خطوة بخطوة في هدفك،
عن طريق خطط تغذية مناسبة ليك وبرامج تمارين رياضة كاملة وضعها خبراء في المجال الرياضي،
وكمان خدمة مساعد الكوتش اللي هتحس فيها إن معاك دكتور تغذية ومدرب خاص طول الوقت
للإجابة على استفساراتك.. حمل التطبيق دلوقتي.

 

المصدر: Tannoshealth