9 من أهم فوائد الجري للجسم
تمارين وكمال أجسام
احتمال كبير تكون سمعت مقولة إن التمرين طب، الحقيقة إن المقولة دي صح، والبحث العلمي
أثبت أن التمارين المنتظمة بمعدل 150 دقيقة في الأسبوع، حوالي 30 دقيقة في اليوم على 5 مرات،
وتمرين الجري بشكل خاص ليه فوايد صحية كبيرة أكتر من بعض الأدوية اللي ممكن يوصفهالك الدكتور.
من فوائد الجري للجسم مثلا: الجري بيساعد في الوقاية من السمنة، ومرض السكر، وأمراض القلب،
وارتفاع ضغط الدم، والسكتة الدماغية، وبعض أنواع السرطانات، وكمان بيحسن من ناحية الحياة العقلية والعاطفية.
فوائد الجري للجسم
1-الجري بيسعد
لو انت بتمارس التمارين الرياضية بانتظام فالتمارين الرياضية هتخليك تحس بتحسن وتعزز اندفاع الهرمونات،
اللي بتخليك تحس بالرضا والمعروفة باسم endocannabinoids . وفي دراسة نشرت سنة 2006
في الطب والعلوم، الباحثون لقوا أن حتى مجموعة واحدة من التمارين – 30 دقيقة من المشي
على جهاز المشي – بترفع مزاج الشخص اللي بيعاني من الاكتئاب، وبتساعده في التغلب على القلق
والتوتر، وفيه كمان دراسة سنة 2012 في مجلة صحة المراهقين بتقول إن 30 دقيقة بس من الجري
خلال الأسبوع لمدة 3 أسابيع بتعزز جودة النوم والمزاج والتركيز طول اليوم.
2-الجري بيساعد على التخسيس أو المحافظة على الوزن
أكيد عارف أن التمارين بتحرق السعرات الحرارية، والحرق بيستمر حتى بعد ما بتخلص التمرين.
وفيه دراسات كتير بتقول كده، والخاصية دي بيسميها العلماء EPOC ومش لازم تجري بسرعة كبيرة
عشان يحصل كده، السرعة المعتدلة كافية جدا.
3-الجري بيقوي الركبتين والمفاصل والأوتار
من المعروف أن الجري بيزود كتلة العظام، وبدوره بيساعد في منع فقد العظام المرتبط بالسن،
ولو سمعت قبل كده من حد أن الجري بيضر الركب، فأحب أقولك إن الدراسات الصحية والطبية
أثبتت أن الكلام دا غلط وفقا لبحث تم في جامعة بوسطن.
4-الجري بيحافظ على التركيز والصحة العقلية
لو انت خايف مع تقدمك في السن إنك تعاني من أمراض الانتباه والتدهور العقلي والذاكرة العامة،
ففيه دراسات أثبتت أن من فوائد الجري للجسم إنه بيحسن مشاكل الذاكرة، واللغة، والتفكير، والتخطيط،
والتنظيم، ووظايف الدماغ، وبيعزز عدم الاصابة بالسكتات الدماغية.
5-الجري بيقلل من خطر الإصابة بالسرطان
بالرغم من أن الجري مش بيعالج السرطان، بس فيه أدلة كتير بتقول إنه بيساعد في الوقاية منه.
وفي مراجعة واسعة لـ 170 دراسة وبائية في مجلة التغذية بتقول إن من فوائد الجري للجسم بانتظام،
انخفاض خطر الإصابة ببعض أنواع السرطان. لو انت بتعاني بالفعل من السرطان، فالجري (بموافقة طبيبك)
هيحسن من حياتك.
6-الجري بيزود من عمرك
حتى لو هتعمل أقل مقدار من النشاط البدني (30 دقيقة ، 5 مرات في الأسبوع) ، يبقى هتعيش لفترة أطول.
وبتشير الدراسات أن لما أنواع مختلفة من الناس بتمارس الرياضة، كانوا بيعيشوا لفترة أطول.
7-الجري بيقوي الرئتين
من فوائد الجري للجسم أنه بيزود من سعة الرئتين، وهتلاحظ دا في العدائين ومجهودهم الخرافي،
اللي مينفعش تقارنه مع أي شخص عادي غيرهم.
8-الجري بيقوي جهاز المناعة
يعمل الجري المنتظم على زيادة مقاومة الجسم للجراثيم، ونتيجة لدا، بتقل عدد الأمراض اللي بتصيب الإنسان.
9-الجري بيزود الثقة
بمجرد ما تبدأ في الانتظام على الجري، بتبدأ ثقتك تزيد، لأنك هتحس بتحكم أكبر في حياتك وجسمك،
بالإضافة لتحكمك في ملابسك كمان.
ماتنساش تشترك في أبليكشن الكوتش علشان يمشي معاك خطوة بخطوة في هدفك،
عن طريق خطط تغذية مناسبة ليك وبرامج تمارين رياضة كاملة وضعها خبراء في المجال الرياضي،
وكمان خدمة مساعد الكوتش اللي هتحس فيها إن معاك دكتور تغذية ومدرب خاص طول الوقت
للإجابة على استفساراتك.. حمل التطبيق دلوقتي>
المصادر: Runnersworld & Podiumrunner
