8 مشروبات تساعد في حرق دهون البطن والتخسيس

31/03/2020 رشاقة وتخسيس

فيه مجموعة مشروبات تساعد في حرق دهون البطن لكن طبعا مع التغييرات الصحية اللي هتقوم بيها في نمط حياتك،
وده هيعزز من مستويات التخسيس. المشروبات دي زي الشاي الأخضر، والقهوة،
والمشروبات عالية البروتين اللي بتعزز عملية التمثيل الغذائي، وبتعزز إحساس الشبع وبتقلل الجوع.

8 مشروبات تساعد في حرق دهون البطن

1-الشاي الأخضر

الشاي الأخضر بيرتبط بالصحة، ولسبب مهم مش بس أنها مليانة بمضادات الأكسدة المفيدة وعناصر
غذائية قوية، لكنه واحد من أكتر المشروبات فعالية للتخسيس. ثبت أن شرب الشاي الأخضر بيقلل
من وزن الجسم والدهون في دراسات كتير. وبمراجعة لـ 14 دراسة، الأشخاص اللي بيشربوا الشاي
الأخضر عالي التركيز 12 أسبوع فقدوا في المتوسط (0.2 إلى 3.5 كيلو) أكتر من اللي مشربوش.
وده مرتبط بمستحضرات الشاي الأخضر اللي بتحتوي على كميات عالية من الكاتيكين ومضادات
الأكسدة اللي بتزود من حرق الدهون وتعزز عملية التمثيل الغذائي.

Matcha نوع من الشاي الأخضر بيحتوي على كمية أعلى من الكاتيكين من الشاي الأخضر بيخليه
اختيار أحسن للتخسيس. وفيه دراسات بتقول إن النساء اللي بتتناول 3 جرام من Matcha يوميا
بيزيد عندهم معدل حرق الدهون بصورة أكبر. كمان الشاي الأخضر بيحتوي على مادة الكافيين،
واللي بتساعد في تعزيز التخسيس من خلال تعزيز مستويات الطاقة وتحسين الأداء أثناء الرياضة.
بالإضافة إلى أن الأشخاص اللي بيشربوا الشاي الأخضرعندهم اعتدال في ضغط الدم، وانخفاض
خطر الإصابة بأمراض القلب والسرطانات والسكر.

ملخص: شرب الشاي الأخضر بيساعد على التخسيس عن طريق زيادة التمثيل الغذائي وتعزيز فقد الدهون.

2-القهوة

بيستخدم الناس القهوة حول العالم لزيادة مستويات الطاقة ورفع المزاج. وده لأن القهوة بتحتوي على
مادة الكافيين، واللي بتعمل كمنشط في الجسم وبتفيد فقدان الوزن. القهوة بتقلل من استهلاك
الطاقة، وبتعزز عملية التمثيل الغذائي، فبالتالي بتساعدك على فقدان الوزن.

في دراسة أجريت على 33 شخص بالغ بيعانوا من زيادة الوزن واللي شربوا القهوة بتحتوي على
6 ملي جرام من الكافيين لكل كيلوجرام من وزن الجسم، استهلكوا سعرات حرارية أقل بكتير
من اللي تناولوا كميات أقل من الكافيين أو ماستخدموش الكافيين. وثبت أن تناول الكافيين بيزود
من عملية التمثيل الغذائي، وبيعزز حرق الدهون في دراسات تانية. وفي دراسة أجريت على أكتر
من 2600 شخص أن اللي نجحوا في الحفاظ على فقدان الوزن بمرور الوقت شربوا مشروبات
اللي بتحتوي على الكافيين أكتر من المجموعة التانية.

ملخص: المشروبات اللي بتحتوي على الكافيين زي القهوة، بتحفز فقدان الوزن عن طريق زيادة التمثيل
الغذائي، وتقليل تناول السعرات الحرارية وتحفيز حرق الدهون.

3-الشاي الأسود

بيحتوي الشاي الأسود زي الشاي الأخضر على مركبات بتحفز فقدان الوزن. الشاي الأسود نوع
من أنواع الشاي اللي بيتعرض للأكسدة (التعرض للهواء) أكتر من أنواع الشاي التانية، وده بيخليه
عنده نكهة أقوى ولون أغمق. بيحتوي الشاي الأسود على نسبة عالية من مادة البوليفينول،
ومجموعة من مركبات البوليفينول تسمى الفلافونويد. مادة البوليفينول عبارة عن مضادات أكسدة
قوية بتساعد في تقليل وزن الجسم.

أظهرت الدراسات أن مادة البوليفينول الموجودة في الشاي الأسود بتعزز فقدان الوزن عن طريق
تقليل تناول السعرات الحرارية، وبتحفز تكسير الدهون وبتعزز نمو البكتيريا المعوية الصديقة.

أظهرت دراسة على 111 شخصا أن اللي بيشربوا 3 أكواب من الشاي الأسود يوميًا لمدة ثلاثة شهور
بيفقدوا وزن أكتر، وبيبقى فيه انخفاض أكبر في محيط الخصر مقارنة بالمجموعات التانية. وفي دراسة
تانية أجريت على 2734 امرأة أن اللي بيتناولوا كميات أكبر من الأطعمة والمشروبات الغنية بالفلافونويد
زي الشاي الأسود عندهم نسبة أقل بكتير من الدهون في الجسم والدهون في البطن مقارنة بالنساء الأخريات.

ملخص: يحتوي الشاي الأسود على مادة البوليفينول ومضادات الأكسدة، اللي ثبت أنها بتقلل
من وزن الجسم. وبتظهر الدراسات أن شرب الشاي الأسود بيساعد في تقليل الدهون في الجسم
وبيشجع على فقدان الوزن.

4-الماء

لما نيجي نبحث عن مشروبات تساعد في حرق دهون البطن لازم نقول أن زيادة استهلاكك من الماء
من أبسط الطرق لتحسين الصحة العامة، وتقليل محيط الخصر، لأنه بيخليك شبعان بين الوجبات،
وبيزود عدد السعرات الحرارية اللي بتتحرق على مدار اليوم. بتشير الأبحاث إلى أن الماء قبل الوجبات
بيساعد على فقدان الوزن.

في دراسة أجريت على 48 شخص بالغ بيعانوا من زيادة الوزن، أن اللي بيشربوا 500 مل من الماء
قبل الوجبات، وبيتبعوا نظام غذائي منخفض السعرات الحرارية، بيفقدوا 44٪ من الوزن الزائد
على مدى 12 أسبوعًا. شرب الماء البارد بيزود من استهلاك السعرات الحرارية اللي بتحرقها أثناء الراحة.
في دراسة أجريت على 21 طفل بيعانوا من زيادة الوزن أن زيادة استهلاكهم للطاقة أثناء الراحة زادت
بنسبة 25٪ لمدة 40 دقيقة بعد شرب 10 مل من الماء البارد لكل كيلوجرام من وزن الجسم.

ملخص: شرب المزيد من الماء يساعد في حرق السعرات الحرارية، وتقليل تناول الطعام، وده بيؤدي لفقدان الوزن.

أهمية شرب الماء قبل وأثناء وبعد التمرين

5-مشروب خل التفاح

بيحتوي خل التفاح على حمض الأسيتيك، وده مركب بيحفز على فقدان الوزن عن طريق تقليل
مستويات الأنسولين وتحسين التمثيل الغذائي، والإحساس بالشبع وحرق الدهون. أظهرت الدراسات
اللي أجريت على الحيوانات أن حمض الأسيتيك بيمنع زيادة الوزن وبيقلل من تراكم الدهون في البطن
والكبد. وبالرغم من محدودية البحث، فيه أدلة كتير على أن الخل بيعزز فقدان الوزن لدى البشر.

أظهرت دراسة على 144 بالغ بيعانوا من السمنة المفرطة أن شرب مشروب يومي بيحتوي على
معلقتين (30 مل) من الخل يوميا بيؤدي لانخفاض كبير في وزن الجسم ومحيط الخصر ودهون البطن.
خل التفاح بيشتغل على إبطاء عملية إفراغ المعدة، وبيساعد على بقائك شبعان لفترة أطول،
وبيقلل من الإفراط في الأكل.
ومع ده لازم نفكركوا أن المشروبات الحمضية عموما ليها دور في تآكل الأسنان، علشان كده لازم
تكون بكميات صغيرة، ونشرب بعدها على طول ماء.

ملخص: تناول كمية صغيرة في اليوم من خل التفاح بيشجع على فقدان الوزن.

6-الزنجبيل

بيستخدم الزنجبيل بشكل شائع كتوابل لإضافة نكهة في الأكل، وكعلاج عشبي لعلاج حالات زي الغثيان
ونزلات البرد والتهاب المفاصل. أظهرت الدراسات البشرية والحيوانية أنه ليه تأثير مفيد على فقدان الوزن.
وجدت دراسة أن الفئران اللي بتتغذى على نظام غذائي عالي الدهون مكمل بمسحوق الزنجبيل
بنسبة 5 ٪ لمدة أربعة أسابيع بيحصلها انخفاضات كبيرة في وزن الجسم، وتحسنات كبيرة في مستويات
الكوليسترول، على الرغم من أن الدراسة دي استخدمت مسحوق الزنجبيل المركز، في دراسة أجريت
على البشر أن الزنجبيل بيساعد في تقليل الشهية وزيادة حرق السعرات الحرارية.

وفي دراسات أجريت على 10 رجال بيعانوا من زيادة الوزن لما شربوا 2 جرام من الزنجبيل الساخن
مع الفطار زود معدل الشبع. وفي دراسة بتقول أن الزنجبيل زود عدد السعرات الحرارية اللازمة لهضم
وامتصاص الطعام بمقدار 43 سعرة حرارية.

ملخص: تشير الدراسات البشرية والحيوانية إلى أن الزنجبيل بيعزز الشبع، وبيقلل من الشهية وبيزود من التمثيل الغذائي.

7-المشروبات عالية البروتين

المشروبات اللي بتحتوي على نسبة عالية من البروتين بتحد من الجوع وبتقلل الشهية وبتعزز الشبع.
وفي عدد كبير من مساحيق البروتين المتاحة للأشخاص. بيزود البروتين من مستويات الهرمونات
اللي بتقلل من الجوع زي GLP-1 مع تقليل هرمون الجريلين، وهو هرمون بيحفز الشهية.

وفي دراسة أجريت على 90 شخص بالغ بيعانوا من زيادة الوزن أن اللي بيستهلكوا 56 جرام من بروتين
مصل اللبن يوميًا لمدة 23 أسبوع بيفقدوا حوالي (2.3 كيلو) من الدهون أكتر من المجموعة التانية.

ملخص: مشروبات البروتين بتقلل من الشهية وبتزود من الشبع. وممكن إضافة مساحيق البروتين بسهولة
إلى أي مشروب لوجبة خفيفة أو وجبة سريعة.

8-عصير الخضار

بالرغم من أن عصير الفاكهة مرتبط بزيادة الوزن، إلا أن شرب عصير الخضار ليه تأثير معاكس. في دراسات
بتقول إن البالغين اللي شربوا 16 كوب من عصير الخضروات منخفض الصوديوم في خلال اتباع نظام
غذائي منخفض السعرات الحرارية فقدوا وزن أكبر.

بالإضافة أنه زادت استهلاكها للخضروات، وقللت بشكل كبير من الكربوهيدرات، ودول أهم عاملين
لفقدان الوزن. أكل الخضروات الكاملة كلما أمكن أحسن اختيار للصحة، نظرًا لكمية الألياف العالية
اللي بيتم فقدها في عملية العصر. ومع ذلك، فاستهلاك عصير خضروات منخفض السعرات الحرارية
بيزود من تناولك للخضروات، وبيساعدك على فقدان الوزن.

ملخص

على الرغم من أن الخضروات الكاملة هي أحسن اختيار، إلا أن شرب عصير الخضروات بيشجع على
فقدان الوزن لما ندمجه في نظام غذائي صحي. بعض المشروبات زي الشاي الأخضر والقهوة والزنجبيل
بتساعد في تعزيز عملية التمثيل الغذائي، وتقليل الجوع، وزيادة الشبع، وكل ده بيسهل في فقدان الوزن.
بالإضافة إلى أن المشروبات دي بتحتوي على مغذيات مفيدة، زي: مضادات الأكسدة، والمركبات القوية
اللي بتفيد صحتك. واستبدال المشروبات عالية السعرات الحرارية زي المشروبات الغازية وعصير الفاكهة
بالمشروبات أعلاه طريقة ذكية لخفض السعرات الحرارية ومساعدتك على إنقاص الوزن.

متنساش تحمل أبليكشن الكوتش من هنا علشان تاخد نظام تغذية محسوب السعرات الحرارية
حسب وزنك وطولك وهدفك، وبرنامج تمارين رياضية كامل مناسب ليك سواء هتتمرن في البيت أو الجيم،
وتحصل على مساعدة المتخصصين من فريق الكوتش عن طريق خدمة مساعد الكوتش اللي بتقدر تتواصل
فيها مباشرة مع إخصائيين التغذية والكباتن لأي سؤال عندك.