8 أخطاء تمنعك من حرق دهون البطن

رشاقة وتخسيس
أخطاء تمنعك من حرق دهون البطن

كلنا بنحاول نوصل لهدف إن بطننا تكون مشدودة، لكن كمان فيه أخطاء تمنعك من حرق دهون البطن من غير ما تعرف، دهون البطن صعبة لأنها حمل ووزن إضافي على جسمك، وفي أوقات بتأثر على صحتنا
ورفاهيتنا، لأنها وفقا لنظريات رئيس جمعية السكري الأمريكية (صمويل داجكو) بتتكون
فيها مادة كيميائية اسمها السيتوكينات، اللي بتزود من فرص إصابتك بامراض القلب،
وبتخلي جسمك أقل حساسية للأنسولين، واللي ممكن بعدها تصاب بمرض السكر.

8 أخطاء تمنعك من حرق دهون البطن

1-عصير الفاكهة

بديهي هتفكر في شرب عصاير الفاكهة، بس خلي بالك عصاير الفاكهة مش أحسن حاجة
للتخسيس، لأنها فيها نسبة عالية جدا من السكر، فبدل من ده اتبع نظام غذائي كويس
يمدك بالسكر، وفي نفس الوقت مايسببلكش ضرر، ابعد عن شرب المشروبات السكرية تماما.

2-عدم الأكل

فيه ناس بتفكر أنها لو منعت الأكل هتخس بسرعة، بس خلي بالك تجويع نفسك ممكن يؤدي
لانهيار جسمك، علشان كده قلل من الأكل المصنع، والكارب، وركز على الخضار والفاكهة والخضروات الورقية.

3-تقليل البروتين

زيادة أكلك للبروتين بيزود معدل الشبع عندك، وبيساعدك على إنقاص وزنك بدون تدهور
أو نقص في العضلات بشكل كبير، بس لازم تاخد البروتين من مصادر كويسة غير دهنية
من اللحوم الحمراء او لحوم الاسماك اومنتجات الالبان قليلة الدسم، ولأن بيتم حرق 25-30 ٪
من السعرات الحرارية في كل جرام من البروتين في الهضم بدلا من 6-8 ٪ فقط من السعرات
الحرارية في الكربوهيدرات. عشان كده هتوفر السعرات الحرارية لما تستبدل 50 جرام
من البروتين لنفس الكمية من الكربوهيدرات، وهتحس بالشبع وتحرق الدهون في البطن.

4-قلة النوم

في دراسات كتيرة اتنشرت و ربطت بين السهر وزيادة الوزن، ومن الطبيعي أن الجسم
بيحتاج من 7 لـ 8 ساعات نوم في الليلة الواحدة، فمتضيعش وقتك بليل على الأجهزة
الذكية، واستثمره في الراحة.

5-المبالغة في التمارين

التمرين الزيادة من أبرز 8 أخطاء تمنعك من حرق دهون البطن لأن ناس كتير بتعتقد
أن المبالغة في التمارين والتمرين الصعب بيوصلك لنتايج كويسة سريعة، لكن خد بالك ده
بيزود من فرص الإصابات اللي بتبعدك عن هدفك.

اعرف من هنا.. أهم تمارين حرق دهون البطن.

6-ممارسة تمارين الكارديو فقط

تمارين الـ Cardio  مهمة طبعا، لكن لو هدفك تحرق دهون البطن بسرعة، زود تدريبات الأحمال
في تمارينك، لأنها بتساعد على حرق السعرات الحرارية بدرجة كبيرة، حاول تدخلها
في تمرينك مرتين في الأسبوع على الأقل.

7-عدم وجود خطة

زي أي حاجة بتعملها في حياتك، لازم يبقي عندك استراتيجية قوية بتمشي عليها،
ونفس الموضوع لفقدان الوزن، لأن ليها أفرع كتير وتمارين وراحة ونوم، فحاول تنظم
نفسك وخطتك بأنظمة رياضية أو بمساعدة مدربين شخصيين أو بإنك تشترك
في أبليكشن الكوتش اللي بيوفرلك نظام غذائي محسوب السعرات الحرارية
لكل الوجبات، بتفاصيل محتوياتها من البروتين والدهون والكربوهيدرات، وكمان برنامج
تمارين مناسب لوزنك وهدفك.

8-الإفراط في استخدام طرق التمرين

لو انت من الناس اللي بتزود في طرق تمارينها بطريقة مفرطة عشان تخس فهي طريقة
كويسة جدا لزيادة تدفق الدم وحرق السعرات الحرارية، لكن بيدخل جسمك في إجهاد
كبير بيؤثر على جسمك كله.

 

المصدر: Jerseystrong