5 مكملات غذائية ضرورية لتحسين مناعتك

جهاز المناعة هو خط الدفاع الأول والأخير ضد المرض، وهو اللي ليه قدرة على التعامل مع كل أنشطتك اليومية، من إنتاج كويس في شغلك، لحد التمرين، ومواجهة الأمراض، وكل ما كان جهاز المناعة أقوى، كنت بصحة أفضل، علشان كده هنتكلم هنا عن مجموعة مكملات غذائية ضرورية للجسم والمناعة.

5 مكملات غذائية ضرورية لدعم جهازك المناعي:

1- مكملات زيت السمك

مكملات زيت السمك، بتشتهر بخصائصها الصحية، خاصة في المناعة، لأنها بتحتوي على مركبات ثبت أنها بتدعم جهاز المناعة عن طريق الحد من الالتهاب، وده بيساعدعلى محاربة تطور أمراض القلب والأوعية الدموية.

2- فيتامين د

فيتامين د هو فيتامين قابل للذوبان في الدهون، ويُعرف باسم “فيتامين أشعة الشمس” نظرًا لقدرة جسم الإنسان على توليفه بشكل طبيعي عند تعرضه لأشعة الشمس.
تشير الدراسات إلى أن الكميات الأعلى من متوسط ​​فيتامين د في الدم ممكن تقلل إلى حد كبير من احتمال معاناة الشخص من المرض. فيتامين د مش بس بيساعد على دعم الجهاز المناعي، لكن كمان بيدعم امتصاص الكالسيوم ، واللي بدوره ممكن يعزز صحة العظام وقوتها.

3- البروبيوتيك

البروبيوتيك بيتسمى أحيانا باسم “البكتيريا الصديقة” اللي بتعيش في الجهاز الهضمي البشري، وبشكل رئيسي الأمعاء. جوه الجهاز الهضمي، فيه ملايين الملايين من البكتيريا المختلفة؛ بعضها جيدة وبعضها سيئة.
البكتيريا الجيدة، زي Acidophilus ، بتلعب دور حيوي في صحة ووظيفة المناعة، لأنها بتقدر تساعد في إنتاج الخلايا المسؤولة عن مكافحة البكتيريا الضارة والسموم والجذور الحرة من الداخل.
يتم التحكم فعليًا بما يصل لـ 70 ٪ من جهاز المناعة عن طريق اللي بيحصل داخل الأمعاء ، علشان كده مهم التأكد من صحة أمعائك.

اعرف من هنا.. مكملات غذائية طبيعية مهمة في نظامك  الغذائي.

4- فيتامين سي

نقدر نقول إن فيتامين سي هو أكثر الفيتامينات إثارة للإعجاب لما الموضوع يتعلق بدعم جهاز المناعة، وده السبب في أن الدكاترة بيوصوا بزيادة استهلاك فيتامين سي خلال مواسم البرد والإنفلونزا.
فيتامين سي معروف بأنه مكمل لتقوية جهاز المناعة، بسبب خصائصه المضادة للأكسدة اللي بتساعد على تخليص الجسم من الجذور الحرة. بالإضافة لده، ممكن يرتبط بالمواد السامة من الداخل، فيمنعها من التدخل في العمليات الداخلية الطبيعية اللي بيقوم بيها الجسم.

5- المالتي فيتامين

تناول قرص ملتي فيتامين كل يوم طريقة رائعة وبسيطة علشان تتأكد من أنك بتاخد كل اللي محتاجه. يحتوي المالتي فيتامين على مزيج كامل من الفيتامينات والمعادن الأساسية، تحتوي على مزيج من فيتامينات ب وفيتامين د والزنك ، واللي بتلعب كلها دورفي دعم الجهاز المناعي – بالإضافة لفيتامين ج اللي بيساعد بشكل خاص أثناء وبعد التمرين المكثف. بالإضافة أنها بتحتوي على الحديد والمغنيسيوم، واللي ممكن تساعدك على مكافحة التعب.

لو عايز تعرف إيه المكملات الغذائية الموثوقة واللي تقدر تعتمد عليها، حسب حالتك وجسمك، حمل تطبيق الكوتش دلوقتي علشان تاخد نظام تغذية صحي مناسب، وبرنامج تمارين رياضية، وتعرف أهم المكملات اللي ممكن تحتاجها.

المصدر: Myprotein