ماذا يحدث عند التوقف عن التمرين لمدد زمنية مختلفة؟

بتحس بالذنب لما يفوتك التمرين يوم؟ الحقيقة إن يوم أو اتنين مفيهمش مشكلة خالص، لحد أسبوع حتى، بس من بعد الأسبوع بتبدأ تحصل تغييرات في القوة والتحمل والدهون والتمثيل الغذائي في الجسم، هنعرف هنا ماذا يحدث عند التوقف عن التمرين لمدة أسبوع أو اتنين أو شهر أو لأكتر من شهرين.

– ماذا يحدث عند التوقف عن التمرين أسبوع:

أسبوع من غير تمرين غالبا مش هيكون ليه تأثير سلبي، بالعكس، ممكن أسبوع من الاسترخاء، والنوم الأطول، يتسبب في تعافي الجسم والوقاية من الإصابة ويجهزك للأسبوع اللي بعده بشكل كويس جدا. لكن لو لازم تاخد إجازة أكتر من أسبوع، شوف جدول تمرين مخفض، لأن دايما  أي شيء أفضل من لا شيء.

– بعد أسبوعين

وجدت دراسة إن VO2 max انخفض بنسبة 50% بعد أسبوعين من عدم ممارسة التمارين – وهو المعدل الأمثل اللي ممكن من خلاله للقلب والرئتين والعضلات استخدام الأكسجين بشكل فعال أثناء ممارسة الرياضة.
كمان اتأثر أداء الجري سلبا بعد أسبوعين من التوقف، لكن مفيش قلق من ناحية تكوين الجسم خلال الفترة دي لأن الدراسة مالاقتش فرق كبير في تكوين الجسم بعد فترة توقف أسبوعين من التمرين.

– بعد شهر

حتى لو كنت رياضي مميز، وجدت دراسة أجريت على سباحين أن  كتلة الدهون في الجسم زادت حوالي 12%، وكان فيه انخفاض في VO2 max بعد 4- 5 أسابيع من عدم التمرين.

ووجدت دراسة تانية على مجموعة من الرياضيين أن قدرة التحمل انخفضت بنسبة 21% بعد 4  أسابيع من التوقف عن التمرين، لكن فيه دراسة تانية بتقول إنك لو بتتمرن من زمان ففرصة فقدانك للقوة أقل من شخص بدأ تمرين قريب.

– ماذا يحدث عند التوقف عن التمرين لأكثر من شهرين

بالإضافة لكل التأثيرات السابقة، هتحس بانخفاض كبير في لياقتك البدنية، لكن بعض الدراسات بتعتقد أنه “من الأسهل العودة  إلى حيث كنت في المرة الثانية مما كنت عليه في المرة الأولى”. بعض الدراسات بتقول إن “ذاكرة العضلات” معناها أن بعض الخلايا الخاصة في عضلاتك بتتذكر كيفية القيام ببعض الحركات، وده بيخلي التقدم أسهل من المرة الأولى “عند بداية التمرين” لكن برضو الموضوع مبيكونش سهل، محتاج شغل.

انت مش مضطر توقف تمرين عشان الجيم قفل، لأننا في الكوتش بنوفرلك كل حاجة في بيتك، برنامج تمارين منزلية من غير أدوات وفعال جدا في اللياقة واكتساب العضلات وفقدان الدهون، مع نظام تغذية محسوب السعرات الحرارية، ومتابعة فردية مع الكوتش واختصاصي التغذية من داخل الأبليكشن للرد على كل استفساراتك.

المصدر: Myprotein