قصص نجاح في فقدان الوزن مع أنظمة الكوتش
أبطال الكوتش
قررنا نعمل هاشتاج #تجربتي_مع_الكوتش على منصات التواصل الاجتماعي ونسأل الناس عن تجربتهم مع الكوتش ورأيهم.. هنتكلم هنا عن قصص نجاح في فقدان الوزن مع أنظمة الكوتش.. والإجابات المبهرة!
عائشة شريف قالت: “حقيقي أنا أكتر حد بيلعب رياضة ويقطع و يرجع ويقطع ويرجع، بس كان بيبقى على فترات متباعدة جدااا، بس ابلكيشن الكوتش حقيقي كنت بحسه حد بيشدني يقولي يالا إرجعي قومي كملي. كان بيحمسني اني حتي لو منزلتش الجيم أتمرن ف البيت عادي جدا”
نزّل تطبيق الكوتش الآن للحصول على برامج تمارين تناسب مستواك أياً كان
وأنظمة غذائية متنوعة مصممة لتحقق كل أهدافك الرياضية.
ما أكثر مميزات وجدتها عائشة في الكوتش؟
“لما كنت أسأل سؤال والله ماكنش بيعدي أكتر من ساعة أو أقل وألاقيهم مجاوبين عليه بطريقة حلوة أووووى ومفصلة، ده غير الأكل وأنه سهل ومش معقد خالص، وكمان بيعد عدد كوبايات المياه اللي شربتها ف اليوم، والتمارين حقيقي فرقت معايا في مدة زمنية مش طويلة خالص، فحقيقي ابلكيشن الكوتش فرق معايا كتير جدااا وأنصح أي حد عاوز يبدأ رحلة الدايت أو حتى أنه يخلي جسمه رياضي بالأبلكيشن ده”
أما حسام الزوكا فأبهرنا بصورته قبل وبعد وكان له قصص نجاح في فقدان الوزن مع الكوتش.
حسام بيقول: “كنت طول الوقت بدور على مسابقة أو جروب يشجعنى إن أنا أخس، وناس تحمسني إن أنا أتمرن لأنى دايما مكسل وبقول من بكره هبدأ، وكالعادة بكره مبيجيش. لحد ما اكتشفت أبلكيشن اسمه الكوتش، ولقيت إنهم عاملين مسابقة وكانت شروط المسابقة فعلا سهلة أوي وجوايزها بصراحة مغرية. قدمت وقولت يمكن أتقبل.. وبالفعل بعد فترة لقيتهم بيكلموني بيقولولي مبروك إنت اتقبلت ومن ساعتها وأنا الأدرينالين نط فى وشي وقلت يبقى هي دى الفرصة”.
حسام خس كام كيلو مع الكوتش؟
“خسيت معاهم تسعة كيلو، والبرنامج أكتر من روعة بصراحة، فيه أنظمة غذائية ياما اوى، وتتبع لشرب المياه، وفيديوهات بتشرح كل تمرينة، وقسم خاص للدعم الفنى، والشباب اللى قايمة عالابلكيشن بجد قمة فى الذوق والاحترام، واتبسطت جدا جدا بتجربتي معاهم”.
رجاء مجدي كتبت بوست طويل، لكن الحقيقة عجبنا جدا وأصرينا أننا نكتبه كامل ليشجع أي شخص يمر بفترات إحباط ويأس مثلها، أن يرى قصص نجاح في فقدان الوزن ويستطيع التغلب على الصعاب.
رجاء قالت: “بقالي سنين زي مانا حياتي روتينية بحته.. الأغلب بيشوفها حياة مشوقة وكلها تغيير وبعيدة عن الروتينية، بس للأسف انا دايما شايفة غير كده، أصلي دايما بعمل نفس الحاجات بنفس التفاصيل حتى في الأماكن اللي بقعد فيها والأكل اللي بطلبه! هو ده مربط الفرس.. الأكل اللي بطلبه”.
“في آخر عشر سنين، وبحكم شغلي وأني طول اليوم في الشارع، من اجتماعات، لتجهيز معارض، لسفر بالعشر أيام مباكلش تقريبا في البيت، ووزني زاد جدا، وفشلت فشل زريع في أي محاولات دايت، سواء بعملها لوحدي، أو مع دكتور تغذية، ووزني زاد أكتر من وقت الحجر الصحي والقعدة اللي غصب عننا في البيت”.
كيف عرفت رجاء الكوتش ومتى قررت البدء؟
“بالصدفة محمد المصري قالي ع ابليكيشن الكوتش، قالي نزليه هنستفاد منه تمارين ونظام غذائي، قولتله والنبي لو عملت إيه مش هنجح يعني، وبعدين أنا بقالي سنين، فوق العشر سنين ملعبتش رياضة، جسمي تقيل خلاص فكك. قالي خلاص، نزلته وبعدين كمان هما عاملين عرض خصم 99٪! جربي مش هتخسري حاجة”.
“الحقيقة خضعت لكلامه وخلاص اشتركت من تلات شهور تقريبا وإيه بقى؟ قعدت تلات أسابيع مبعملش فيه أي حاجة، كل يوم أفتح التمارين وأقول سهلة سهلة بكرة أعملها، ويوم جر يوم وأنا مبعملش حاجة، غير أني أجرب فيهم في البيت أكلة جديدة وأقعد آكل معاهم، وفجأة لقيت رسالة ترحيب من الكوتش عالشات في الأبليكيشن فقولت دي علامة يامارد”!
لقيت أني فعلا بقيت تعبانة جدا، وبنهج وأنا بغسل المواعين، وبدأت في الأول كنت بلاقي صعوبة في التمارين، وده لتقل جسمي.
الصراحة أنا حابة أتكلم بشرح أكتر عن #تجربتي_مع_الكوتش
أولا: الكوتش اللي بيتابعوا معايا عالأبليكيشن مش بيديك فرصة أنك تتكاسل وتوقف تمرين، اليوم اللي متظهرش فيه تلاقيهم متابعينك، وهتحس أن ليك كوتش مخصوص ليك لوحدك من سرعتهم في الرد، بالإضافة أنك لما تبعتلهم عالشات في أي وقت هتلاقيهم بيردوا ع طول، وعندهم إجابة لكل الأسئلة، وأنا الحقيقة في أول شهرين والله ولحد دلوقتي دايما بزهقهم بأسئلتي، وهما بيجاوبوا بصدر رحب”.
ثانيا: عاملين نظام غذائي صعب تزهق منه ولا هتحتاج يوم فري ولا الكلام ده، ولا هتحس بهبوط ولا تعب جسماني، لأن ببساطة النظام بتاكل كل حاجة كل حاجة حرفيا، بس معمولة بطريقة صحية، الحلو أنهم بيحطولك الوجبة والمكونات بالجرامات اللي محتاجها جسمك، وطريقة التحضير، كمان سواء حادق أو حلو، والوجبات كلها بيكون ليها بدايل، عشان لو ملكش نفس لسمك مثلا النهارده. وبيكونوا حاطين قايمة الطلبات كل أسبوع في أول الأسبوع بتنزلك عشان الناس اللي بتحب تجيب احتياجات بيتها بالأسبوع”.
ثالثا: حاطينلك عدد كوبايات المياه اللي جسمك محتاجها، وكمان بقى عاملين تنبيهات بالإشعارات لكل حاجة، يعني عشان الناس اللي بتنسى التمارين أو المياه زي حالاتي زمان.
كيف غيّر الكوتش حياة رجاء؟
“طب أنا ليه بقول الكلام ده؟ الحقيقة بقوله لأن بعد تلات شهور صحتي بقيت أحسن، وبقيت أخف، وبقيت بزهق جدااا ف اليوم اللي ميكونش عندي فيه تمرين. بقول الكلام ده لأني حابه أساعد أي حد من صحابي أنه يخوض تجربة الكوتش وعمره ماهيندم أبدا، وبالفعل الحمد لله عملت كده مع كام حد من صحابي وحملوا الابليكيشن وبنتابع مع بعض”.
“كمان الحقيقة بقى التيم القائم عالأبليكيشن أكتر من رائع، أي ملاحظة كنت بقول عليها لما بتواجهني مشكلة وبقولهم ع اقتراحي الحقيقة كانوا بيحطوه ف اعتبارهم، وبيعدلوه عالأبليكيشن، وبيحدثوا ويطوروا من الأبليكيشن بطريقة رهيبة ومفيدة جدا”.
حتى ف الجروب الخاص بالأبليكيشن عالفيس بوك عاملين روح عيلة غريبة وحلوة جداا، جروب كله تشجيع عالتمارين والأكل من الأبطال اللي بيتمرنوا ومنزلين الأبليكيشن، حتى في الجروب الأبطال اللي مش منزلين الأبليكيشن برده بنفيد بعض في التمارين والأكل. بصراحة بعد تلات شهور لأول مرة في حياتي أنجح في أني استمر عالدايت، أو مينفعش أقول دايت لأنه نظام حياة سليم وصحي. ودي كانت #تجربتي_مع_الكوتش شكرا لكل القائمين ع الأبليكيشن العظيم ده والله وشكرا ع تشجيعهم لينا المستمر”.
انت كمان تقدر تبدأ رحلة التغيير دلوقتي وتحمل الكوتش على هاتفك المحمول، وتختار برنامج التمارين الرياضية المناسب لك، مثل التمرين في المنزل، والذي يختاره كثيرون حاليا، وتتابع معنا من داخل الأبليكشن مع الكوتش، وإخصائي التغذية، لأي أسئلة عن التمرين أو الأكل، كل هذا بالإضافة لنظام التغذية الذي ستحصل عليه، والمحسوب لك بالضبط، حسب عدد السعرات الحرارية التي يحتاجها جسمك لتصل للجسم المثالي الذي تحلم به، الكوتش هيحددلك وجبات الفطار والغدا والعشا والسناك بمكوناتها وطريقتها، وأيضا بدائلها إذا كنت ترغب في نوع آخر من الطعام.
