يعني إيه سكر دايت ؟ أنواعه وفوايده وأضراره

تغذية صحية
سكر دايت

بنسمع كتير كلمة سكر دايت ، من غير ما نعرف يعني إيه الكلمة دي بالتحديد؟ هل هو سكر فعلا ولا مادة صناعية؟
وهل ليها أضرار أو آثار جانبية؟ لو محتار ما بين أنواع السكر الدايت المختلفة ومش عارف إيجابيات وسلبيات كل نوع،
هنفهمك كل حاجة عنهم هنا كل حاجة.
مواد التحلية الصناعية وبدايل السكر المختلفة موجودة في أنواع كتير من الأكلات والمشروبات اللي بيتم التسويق
ليها على إنها خالية من السكر أو دايت، بما فيها المشروبات الغازية والمخبوزات. إيه هي المُحليات دي؟
ودورهم إيه في نظامك الغذائي؟
بدايل السكر هي مواد التحلية اللي بتستخدمها بدل السكر العادي (السكروز)،المحليات الصنعية ما هي إلا نوع واحد
من بديل السكر. بعض المصنّعين بيوصفوا مواد التحلية على أنها “طبيعية” على الرغم من معالجتها، من أمثلتها “ستيفيا”.
وبعض المحليات الصناعية تُستمد من  بشكل طبيعي من خلاصة تدوير السكر.

المحليات الصناعية هي بدايل السكر الصناعية، لكن ممكن يتم اشتقاقها من مواد طبيعية زي الأعشاب أو السكر نفسه.
ويطلق عليها “المحليات الشديدة” لأنها أحلى من السكر بكتير. ناس كتير بتكون المحليات الصناعية بالنسبالها بدايل جذابة للسكر لأنها ما بتضيفش أي سعرات حرارية لنظامك الغذائي، كمان بتحتاج لكمية صغيرة أوي منها مقارنة بكمية السكر اللي بتستخدمها عادة في التحلية.

المحليات الصناعية تستخدم على نطاق واسع في الأطعمة المصنعة بما فيها: المشروبات الغازية، والسلع المخبوزة،
والحلويات، والمعلبات، ومنتجات الألبان. كمان هي شائعة في الاستخدام المنزلي في الخبز أو الأكل،
لكن بعض الوصفات بتحتاج للتعديل. اقرأ الملصقات الموجودة على المحليات الصناعية علشان تتأكد إنها صالحة للاستخدام المنزلي المناسب. بعض المحليات الصناعية ممكن يكون مذاقها مختلف، أو أكثر جاذبية من السكر العادي.

لو عندك أسئلة تخص التغذية الصحية، وخطط التغذية السليمة حمل أبليكشن الكوتش من هنا علشان تلاقي متخصصين
في مجالات التغذية والرياضة يقدروا يساعدوك في النظام الغذائي المناسب وبرنامج التمارين الرياضية اللي هيوصلك لهدفك.

الفوايد الصحية المحتملة للمحليات الصناعية

– مبتسببش تسوس الأسنان.
– التحكم في الوزن

المحليات الاصطناعية مافيهاش سعرات حرارية تقريبًا. في المقابل، الملعقة الصغيرة من السكر فيها حوالي
16 سعرة حرارية – علبة الكولا المحلاة بعشرة ملاعق من السكر فيها 160 سعرة حرارية تقريبا. لكن لو بتحاول
تنقص وزنك أو تمنع زيادته، فالمنتجات المحلاة بمواد التحلية الاصطناعية هتكون خيار جذاب، على الرغم من أن فعاليتها
لفقدان الوزن على المدى الطويل مش واضحة.

– مرض السكري

المحليات الاصطناعية مفيهاش كربوهيدرات. علشان كده، على عكس السكر، المحليات الصناعية عموما
مابترفعش مستويات السكر في الدم. اسأل طبيبك أو اختصاصي التغذية قبل استخدام أي بدايل سكر،
لو كنت تعاني من مرض السكري.

سكر دايت

المخاوف الصحية المحتملة من المحليات الاصطناعية

منتقدو المحليات الصناعية أو سكر دايت بيقولوا إنها بتسبب مجموعة من المشكلات الصحية، بما فيها السرطان.
واستندوا في النتيجة دي على عدد كبير من الدراسات اللي بيرجع تاريخها لسبعينيات القرن الماضي،
واللي ربطت “السكرين” التحلية الاصطناعية بسرطان المثانة في الفئران المختبرة. بسبب الدراسات دي،
السكرين خدت مرة واحدة علامة تحذير بأنها قد تكون خطرة على صحتك.

لكن وفقًا للمعهد الوطني للسرطان والوكالات الصحية الأخرى، مفيش دليل علمي سليم على أن أيًا من المحليات الصناعية المعتمدة للاستخدام في الولايات المتحدة تسبب السرطان أو غيرها من المشكلات الصحية الخطيرة.
وكتير من الدراسات بتأكد أن المحليات الصناعية آمنة بشكل عام بكميات محدودة، حتى بالنسبة للنساء الحوامل.
نتيجة للدراسات دي، تم إسقاط ملصق التحذير الخاص بالسكرين.

بيتم تنظيم المحليات الاصطناعية من إدارة الغذاء والدواء (FDA) كإضافات غذائية. لازم تتم مراجعتها والموافقة عليها
قبل إتاحتها للبيع. في بعض الأحيان تعلن إدارة الأغذية والعقاقير عن مادة “معترف بها عمومًا على أنها آمنة” (GRAS).
بيتم السماح بالمواد دي لو كانت تفي بالمعايير:

– يعتبر المحترفون أن المادة دي آمنة للاستخدام المقصود على أساس البيانات العلمية. “ستيفيا” مثال على النوع ده من التعيينات GRAS. “المواد اللي ليها تاريخ طويل من الاستخدام الشائع في الأغذية اللي تعتبر آمنة بشكل عام”.
– إدارة الأغذية والعقاقير (FDA) حددت كمية يومية مقبولة (ADI) لكل مادة تحلية اصطناعية.
(ADI) هو الحد الأقصى للكمية اللي تعتبر آمنة للاستهلاك كل يوم على مدار العمر الافتراضي. يتم تعيين ADIs في مستويات معتدلة جدا.

صعب تحديد وحصر المحليات الصناعية أو سكر دايت في فئة معينة على حسب اتصنعت من إيه أو  إزاي. “ستيفيا” مثال على ده، فهيئة إدارة الأغذية والعقاقيرة وافقت على “ستيفيا” المكرر، لكنها ماوافقتش على مستخلصات الورقة الكاملة
من ستيفيا أو الخام.
هيئة إدارة الأغذية والعقاقير صنفت Tagatose “نوع من المحليات الصناعية” كمادة معترف بيها آمنة عموما بسبب تركيبها الكيميائي. Tagatose هو محلول منخفض الكربوهيدرات شبه الفركتوز اللي موجود بشكل طبيعي،
لكن بيتم تصنيعه من اللاكتوز في منتجات الألبان.

سكر دايت

كحول السكر

كحولات السكر (polyols) هي كربوهيدرات موجودة بشكل طبيعي في بعض الفواكه والخضروات –
رغم أنه ممكن تصنيعها كمان. على الرغم من اسمها، لكن كحول السكر ليس كحوليًا لأنه مفيهوش الإيثانول
الموجود في المشروبات الكحولية.
كحول السكر مايعتبرش من مواد التحلية المكثفة لأنها مش أحلى من السكر. في الواقع، بعضها أقل حلاوة من السكر.
كحول السكر فيه سعرات حرارية لكنها أقل من السكر، فبتكون بديل ليه.

استخدام كحول السكر

كحول السكر مبيستخدمش بشكل عام في تحضير الأكل في البيت، لكن موجود في كتير من الأكلات المصنعة، بما فيها الشوكولاتة واللبان ومعجون الأسنان. وغالبا بيتم دمج كحول السكر مع مواد التحلية الصناعية لتعزيز الحلاوة،
ملصقات المواد الغذائية ممكن تستخدم المصطلح العام “كحول السكر” أو الاسم المحدد “السوربيتول”.

الفوايد الصحية المحتملة لكحول السكر

زي المحليات الصناعية، كحول السكر مبيسببش تسوس الأسنان وتجويفها، وممكن يساعد كمان في:

– التحكم في الوزن.
– داء السكري: على عكس المحليات الصناعية، كحول السكر عبارة عن كربوهيدرات وممكن يرفع مستويات السكر في الدم.
لكن جسمك مابيمتصش كحوليات السكر تمامًا، فتأثيرها على نسبة السكر في الدم أقل من تأثير السكر العادي.
اسأل طبيبك أو أخصائي التغذية علشان يقولك إرشادات استخدامه لأن كحول السكر يختلف في تأثيره على نسبة السكر في الدم.

مخاوف صحية محتملة مع كحول السكر

لما بيتاخد بكميات كبيرة، ممكن يكون ليه تأثير ملين، فيسبب الانتفاخ والغازات المعوية والإسهال.
ملصقات المنتج ممكن يتكتب عليها تحذيرات للتأثير الملين المحتمل.

المحليات الطبيعية

هي بدايل للسكر وبدايل لاستخدام سكر دايت ، بيتم الترويج ليها غالبًا كخيارات أكثر صحة من السكر أو بدايل السكر التانية. لكن حتى “المحليات الطبيعية” غالبا بتخضع للمعالجة والتكرير برضو. المحليات الطبيعية اللي صنفتها FDA هيئة إدارة الأغذية والعقاقير، أنها آمنة بشكل عام تشمل: عصائر الفاكهة، العسل، دبس السكر.

استخدام المحليات الطبيعية

المحليات الطبيعية ليها مجموعة متنوعة من الاستخدامات سواء في البيت أو في الأطعمة المصنعة. تُعرف أحيانًا باسم “السكريات المضافة” لأنها تُضاف للأطعمة أثناء المعالجة.

الفوايد الصحية المحتملة من المحليات الطبيعية

بدايل السكر الطبيعية ممكن تظهر صحية أكتر من السكر، لكن محتواها من الفيتامينات والمعادن مش مختلف كتير.
هي شبه العسل والسكر من ناحية التغذية، وجسمك بيعاملها زي الجلوكوز والفركتوز.

المخاوف الصحية المحتملة مع المحليات الطبيعية

المحليات الطبيعية آمنة بشكل عام. لكن مالهاش ميزة صحية لاستخدامها. الاستخدام الكتير للسكر، حتى المحليات الطبيعية، ممكن يعمل مشاكل صحية زي: تسوس الأسنان، وزيادة الوزن، وزيادة الدهون الثلاثية. العسل ممكن يحتوي على كميات صغيرة من الجراثيم البكتيرية اللي ممكن تنتج التسمم الغذائي. وممنوع الأطفال الأقل من سنة ياكلوا العسل.

الاعتدال هو المفتاح:

لما تختار سكر دايت ، خليك مستهلك ذكي، المحليات الصناعية وبدايل السكر ممكن تساعدك في تظبيط الوزن،
لكنها مش سحر ولازم تستخدمها باعتدال. المواد الغذائية اللي بيتم التسويق ليها على إنها خالية من السكر،
مش خالية من السعرات الحرارية، فممكن تسبب زيادة الوزن. حط في بالك إن الأطعمة المصنعة،
غالبا فيها سكر دايت ، مبتقدمش نفس الفوايد الصحية زي الأطعمة الكاملة من الفواكه والخضروات.

 

المصدر: https://mayocl.in/2MpvKyj