مخاطر رجيم البيض؟ اعرف عنها كل حاجة

تغذية صحية
مخاطر رجيم البيض؟

مخاطر رجيم البيض؟

آه الموضوع كبير ومحتاج نتكلم عنه في مقال مخصوص. رجيم البيض ليه أشكال مختلفة،
وكلها بتتطلب إنك تتناول وجبات أساسها البيض. لكنه مبيعتمدش على أسلوب تغذية متوازن وليه سلبيات كتير منها:

  • نقص الطاقة.
  • مشاكل الجهاز الهضمي.
  • رفع مستويات الكوليسترول في الدم.
  • ممكن تؤدي لزيادة الوزن تاني.

نقص الكربوهيدرات بيساوي نقص الطاقة. كوجبة عالية البروتين ومنخفضة الكربوهيدرات، بيعاني كتير من الناس
اللي بيتبعوا رجيم البيض من التعب ونقص الطاقة، زي باقي خطط التغذية الأخرى منخفضة الكربوهيدرات.

إيه كمان من مخاطر رجيم البيض؟

ممكن يسببلك غازات وإمساك وغثيان وسوء التنفس، وكلها آثار جانبية شائعة لنظام غذائي غني بالبروتين. تقدر تحل مشاكل الجهاز الهضمي عن طريق إنك تزود من الألياف في الخضروات في نظامك الغذائي، وإنك تزود من شرب المياه.

الأطعمة عالية الكوليسترول ممكن تؤدي لأمراض القلب. البيض فيه نسبة عالية من الكوليسترول،
واللي بيرتبط بزيادة مستويات الكوليسترول في الدم وأمراض القلب. ومع ذلك، وفقًا لمقال نُشر عام 2017 في مجلة نيوترشن، فالعلاقة بين البيض وأمراض القلب ممكن تكون بلا أساس.

تشير مراجعة تانية عام 2017 في المجلة الكندية لمرضى السكري، إلى أن استهلاك ستة إلى 12 بيضة أسبوعيًا،
ما أثرش على الكوليسترول الكلي، أو كوليسترول LDL، أو الدهون الثلاثية،
أو جلوكوز الصيام أو الأنسولين أو مستويات البروتين التفاعلي- اللي هي كلها علامات على أمراض القلب.
لو كنت في خطر أو معرض للإصابة بأمراض القلب، استشير طبيبك قبل البدء في اتباع رجيم البيض.

فقدان الوزن على المدى القصير يصعب تحمله. زي معظم الوجبات الغذائية اللي بتوعد بفقدان سريع للوزن خلال فترة قصيرة، رجيم البيض مش مستدام ومن المرجح أن يتم استعادة الكيلوجرامات المفقودة. ودا بيحصل بسبب إنك مش بتتعلم أي عادات غذائية صحية في البرنامج دا (زي التحكم أو التخطيط المتوازن للوجبات أو الأكل المدروس)، فمن المحتمل أنك ترجع تاني
لعادات الأكل اللي تسببت في زيادة الوزن من الأول.

رجيم البيض مقيد جدا. انت بتاكل نوع واحد بس أو عدد قليل من الأكلات خلال أسبوعين، فطبعا الجوع والانزعاج،
اللي هتحس بيهم غالبا هيسيطروا عليك. معظم الناس اللي بيتبعوا النوع ده من الأنظمة بينتهي بيهم الحال بأكل الوجبات السريعة أو الإقلاع عن النظام الغذائي تمامًا.

 

مخاطر رجيم البيض؟

على الرغم من أن البيض مليان بالعناصر الغذائية الصحية، لكن جسمك بيحتاج أكثر من العناصر الغذائية الموجودة في البيض علشان يشتغل بشكل مظبوط. مثلا، الألياف بتعزز الهضم الصحي، ومش محتمل إنك تحصل على الألياف اللي بتحتاجها
في نظام رجيم البيض.

لما بنستهلك مجموعة كبيرة من الأطعمة المغذية، دا بيساعدنا في الحفاظ على صحة جيدة ووزن مناسب.
معظم إصدارات رجيم البيض مفيهاش ما يكفي لتزويد جسمك بالطاقة اللي بيحتاجها للعمل بشكل صحيح.

إيه تاني من مخاطر رجيم البيض؟

لو انت بتتبع النظام د ه هتلاقي نفسك بتخس عدد كبير من الكيلوجرامات بسرعة،
بس الوزن اللي بتخسره هو وزن المياه مش الدهون، ودا عيب مهم لازم ناخده في الاعتبار. في حين أن رجيم البيض،
ممكن يوفر خسارة سريعة في الوزن لمساعدتك في الوصول لهدف قصير الأجل، لكنه مش صحي أو مستدام على المدى الطويل.

توصيات وزارة الزراعة الأمريكية:

تتضمن إرشادات النظام الغذائي لوزارة الزراعة الأمريكية توصيات ونصايح حول نظام غذائي صحي ومتوازن. يوصى باستخدام الأطعمة الغنية بالمواد الغذائية كجزء من نظام غذائي صحي:

  • خضار داكنة ورقية (اللفت ، السبانخ ، البروكلي ، الفاصوليا الخضراء)
  • الفواكه (التفاح ، التوت ، البطيخ)
  • الحبوب (الكينوا ، الأرز البني ، الشوفان)
  • اللحوم الخالية من الدهن (صدر دجاج ، سمك ، صدر ديك رومي)
  • البقوليات (جميع البقوليات والعدس والبازلاء)
  • المكسرات والبذور (الجوز واللوز وبذور عباد الشمس)
  • منتجات الألبان (حليب قليل الدسم ، جبن ، زبادي)
  • الزيوت (زيت الزيتون وزيت الأفوكادو)

بالتالي رجيم البيض مبيوفرش تغذية جيدة، وغير متوافق مع إرشادات وزارة الزراعة الأمريكية. لكن لو عايز تاخد نظام غذائي صحي ومتوازن في كل العناصر الغذائية.. حمل تطبيق الكوتش.


المصدر:

http://bit.ly/32vZVd4