فوائد وأضرار رجيم الصيام المتقطع واحتياطات اتباعه

30/01/2020 تغذية صحية

أي اختصاصي تغذية أو خبير تغذية بيقول إنه عنده قايمة من الأسئلة الأكثر شيوعًا اللي بيطرحها العملاء،
اللي عادة بتتطور استنادًا لأحدث اتجاهات النظام الغذائي، ناس كتير بتسأل عن نظام رجيم الصيام المتقطع.

إيه هو رجيم الصيام المتقطع ؟

هو يعتبر نمط الأكل أكتر من اتباع نظام غذائي حقيقي، بيتميز رجيم الصيام المتقطع بوجود فترات
للأكل وفترات للصيام. وفي طرق كتير للنظام دا، لكن الأكثر شيوعًا هي اللي بتتضمن إما صيام
يوميًا لمدة 16 ساعة، وتأكل فيها اللي عايزه من الأكل لمدة 8 ساعات، أو أن الشخص
يصوم لمدة 24 ساعة، عادةً مرتين في الأسبوع. فيه كمان خطة 5: 2، واللي فيها بتاكل عادي
لمدة 5 أيام، وبعد كده اليومين التانيين بتاكل حوالي ما بين 500 لـ 600 سعر حراري فقط.
بالرغم من وجود استثناءات، بشكل عام، فأنماط الصيام المتقطع بتقولك على الوقت اللي تاكل فيه
لكن مش دايما بيقولوا المفروض تاكل إيه.

اعرف من هنا.. كل التفاصيل اللي عايز تعرفها عن رجيم الصيام المتقطع.

إيه فوايد رجيم الصيام المتقطع ؟

مع أن الأبحاث أظهرت بعض الفوايد الصحية المحتملة للصيام المتقطع. إدارة الوزن هي السبب الأول
اللي بيخلي الناس يسألوا عن الصيام المتقطع. في حين أظهرت الدراسات أن فوايد رجيم الصيام
المتقطع بتشمل فقدان الوزن وتحسين عملية الحرق، وكمان فيه أبحاث بتدرس تأثيره على مقاومة
الأنسولين، وقدرته على تقليل الالتهاب، وتعزيز إصلاح الخلايا، ودعم الجهاز الهضمي الصحي.

إيه المخاوف الصحية للصيام المتقطع؟

القضية الرئيسية هي الاستدامة – بمعنى، هل ينفع نفضل محافظين على طريقة الأكل دي دايما؟
والأهم من دا، هل من الصح أصلا إنك تعمل كده؟ ناس كتير بيحسوا بالرضا أثناء اتباعهم لخطة
الصيام المتقطعةـ لكن بيبقى صعب أنهم يتمسكوا بيها فترة طويلة. اكتشاف كيفية ملائمة فترات
الصيام وتناول الطعام في عملك وحياتك الاجتماعية، والطاقة اللي هتحتاجها للتمارين تحدي،
ودا صح بشكل خاص لو انت بتشتغل لأيام طويلة، أو بتصحى بدري، أو بتنام متأخر جدا.
ممكن كمان يبقى صعب بالنسبة للأشخاص اللي بيفتقروا الإحساس بالروتين في حياتهم اليومية.
على الرغم من أن بعض الأشخاص لقوا أن دا بيحفزهم على الالتزام بجدول زمني، لكن كتير منهم
حسوا بالإحباط لعدم قدرتهم على الاستمرار.

ناس كتير من اللي بيعملوا نظام رجيم الصيام المتقطع بدأوا يحسوا أنهم على اتصال مع إشارات
الجوع والامتلاء. الانفصال بين العقل والجسم خلي من الصعب إنشاء نظام غذائي صحي شامل
لفترة طويلة. بالنسبة لبعض الأشخاص دا ممكن يؤدي لظهور سلوكيات مضطربة في الأكل.

نصائح أثناء اتباع رجيم الصيام المتقطع

حدد فوايد الصيام المتقطع اللي بتدور عليه. انت عايز تقلل وزنك مع الصيام المتقطع؟
في سبب صحي تاني؟ جربت طرق تانية عشان تحقق هدفك؟ لو الإجابة بنعم،
ليه الطرق دي منفعتش؟ التركيز على الآثار الصحية المتقطعة اللي عايز تحققها،والدوافع وراها
هتساعدك إنك تدي الأولوية للأغذية والاستراتيجيات اللي هتساعدك توصل لهناك بطريقة صحية.

قرر إذا كانت الطريقة اليومية 16/8 أو ما يشبه خطة أسبوعية 5: 2 هتبقي كويسة على معدتك وجدولك.
امتي بتحس بالجوع طول اليوم؟ بتصحي امتى وتنام امتى؟ بتتمرن كام مرة في اليوم وامتى؟
كل دا هيساعدك في تحديد وقت صيامك. على سبيل المثال، لو انت بتدخل المطبخ بشكل روتيني
بعد نص الليل مش هيبقى سهل تقفل مطبخك من 6 بليل.

تطبيق نظام الصيام المتقطع

اعرف مواعيد صحيانك ونومك. وامتى هتتمرن وإيه جدول أعمالك؟ حياتك الاجتماعية ماشية ازاي؟
دا هيساعك تعرف امتى تاكل وامتى تصوم عشان متجوعش جامد، وتحافظ على طاقتك وتركيزك.

وجود استراتيجية للخروج

لو بتفكر في رجيم الصيام المتقطع كخطة طويلة الأجل، يبقى لازم تتأكد أن عندك خطة تساعدك
تعمل جدول منتظم عشان تقدر تاكل تاني. ناس كتير بيواجهوا صعوبة لما يخرجوا من النظام دا،
لأنهم مبيقدروش يتعرفوا على شهيتهم والجوع. لو انت كنت بتعمل نظام الصيام المتقطع بطريقة
صحية واعية يبقى لازم تدور على خطة تمشي عليها لما تطلع من النظام.

هتحتاج تقعد مع إخصائي التغذية بتاعك عشان يرشدك لخطة تساعدك أو ممكن تحمل أبليكشن
الكوتش من هنا علشان تاخد نظام غذائي محسوب السعرات الحرارية حسب وزنك وطولك وهدفك،
وبرنامج تمارين رياضية كامل مناسب ليك سواء هتتمرن في البيت أو الجيم، وتحصل على مساعدة
المتخصصين من فريق الكوتش عن طريق خدمة مساعد الكوتش اللي بتقدر تتواصل فيها مباشرة
مع إخصائيين التغذية والكباتن لأي سؤال عندك.