شرح تحليل inbody لمعرفة نسبة الدهون في الجسم

رشاقة وتخسيس
شرح تحليل inbody

ليه محتاجين شرح تحليل inbody ؟ لأن أزمة الدهون عند أغلب الناس بقت أكتر من الأزمات الاقتصادية،
وكتير مننا بيبقى عاوز يخس ويقلل الدهون، لكن إزاي هنقدر نقلل الدهون واحنا مش عارفين أصلاً نسبتها قد إيه؟
ومش عارفين نقيسها بالتحديد؟
علشان كدا الكوتش النهاردة بيقدملك شوية طرق مفيدة وفعالة ممكن من خلالها تتعرف على كيفية قياس نسبة الدهون الطبيعية في الجسم علشان تقدر تتعامل مع الدهون دي وتحصل على الفورمة المنحوتة اللي بتحلم بيها.
أول طريقة هنتكلم عنها هي 

الأشعة السينية ثنائية الطاقة DEXA

الأشعة دي بتشتغل بتقنية الاكس راي علشان تحدد مقياس الأنسجة والعظام والمعادن والدهون في كل أجزاء الجسم
بدقة متناهية جداً.
كمان النوع ده من الأشعة مش مجرد بيعرفك نسبة الدهون لأ ده كمان بيعرفك الدهون دي في أي منطقة من الجسم
يعني هتقدر تعرف إيه أكتر منطقة متركز فيها الدهون علشان تعرف تشتغل عليها أكتر.
الأشعة دي ممكن تكون غالية شوية ومش موجودة كتير لكنها مفيدة جداً علشان تبقى عارف نسبة الدهون ومكانها بالتحديد. 

القياس بثني الجلد (الفرجار)

من الطرق البسيطة والسهلة في قياس نسبة الدهون هي استخدام الفرجار (calipers) عن طريق ثني الجلد
وأخذ القياس وده بيكون في أماكن معينة من الجسم، والأماكن دي بتختلف بين الرجال والنساء لكن الطريقة واحدة.
طريقة الاستخدام بتكون إنك بتقرص بيه على أماكن الدهون علشان تشوف نسبة القياس، بالنسبة للرجال
بتقيس من عند منطقة الصدر والبطن والفخذ أما النساء من عند الترايسبس وفوق الخصر بحوالي سم عند منطقة اسمها
suprailiac وعند الفخذ. 

طريقة قياس الدهون بتحليل المقاومة الكهربائية

الطريقة دي اسمها العلمي (Bioelectrical impedance analysis) ودي بتكون من خلال الميزان وطبعاً الميزان مشهور جداً
ومعروف في قياس الوزن عموماً، لكن الطريقة دي بتفرق لأن التكنولوجيا دي بتستخدم تأثير إشارة كهربائية
بتطلع من أسفل القدم لأعلى الجسم وبتحسب نسبة مقاومة العضلات ومقاومة الدهون في الجسم،
وبالطريقة دي بيقدر يحدد الميزان نسبة الدهون بالتفصيل.

بعد ما عرفنا الكام طريقة دول عاوزين نطبق بقى يا كوتش نعمل إيه؟ بسيطة جداً يا بطل هتروح لصيدلية
من الصيدليات الكبيرة وتسأل على ميزان Inbody وتستخدمه بمساعدة الصيدلي الموجود، والجهاز ده هيطلعلك
تقرير مفصل عن مكونات الجسم ومنها الدهون، وتقدر تسأل الصيدلي على شرح تحليل inbody لو مش فاهمه،
وبكدا هتبقى قدرت تقيس نسبة الدهون بأسهل الطرق وبتكلفة بسيطة جداً جداً. 

وبكدا نبقى قدمنا لك أبسط الطرق لكيفية قياس نسبة الدهون الطبيعية في الجسم علشان يقدر الكوتش
يظبطلك أفضل برنامج يناسبك. طيب بعد ما تحدد الوزن والدهون ترجع بقى للكوتش زي ماقولنا وتحدد البرنامج
المناسب لوزنك، وتدخل فيه كل بياناتك علشان يقدر يحددلك أفضل برنامج وتخلي الكوتش معاك في كل تمرينة،
علشان تقدر توصل للفورمة المطلوبة يا وحش.. 
يلا نزّل الكوتش وكسر الدنيا.


 

المصدر: 

https://bit.ly/32vz6Fx