تمرين سكوات لشد الجسم وحرق الدهون

رشاقة وتخسيس
تمارين سكوات لشد الجسم

لو عايز تعرف أكتر عن فوايد تمرين سكوات لشد الجسم يبقى انت هتحتاج تقرا المقال ده.
الاسكوات من أفضل التمارين اللي بتمرن عضلات الجسم كله، وواحد من أفضل حركات التمرين المركبة. يوصي معظم مدربي اللياقة البدنية بيها، فأول حاجة لازم تتعلمها علشان تقدر تعمل بعد كده أي حاجة تانية. وهي مش بس بتبني العضلات المستهدفة،
لا هي كمان مسئولة عن بناء العضلات بشكل عام.

فوايد تمرين الاسكوات:

ممارسة تمرين الاسكوات ليها فوايد كبيرة للجسم كله معظم الناس متعرفش الفوايد دي. بيعتقد المعظم إنها مجرد تمرينات للرجل بس، وإنها مبتعملش حاجة  لباقي الجسم. خلونا ناخد نظرة كدة على الاستفادة الكاملة اللي ممكن نحصل عليها
من تمرين الاسكوات.

  • بيديلك لياقة بدنية عالية:

الاسكوات مش مجرد تمرين للرجل، لكنها كمان بتديلك لياقة بدنية رائعة،  وبيساعد على رفع معدل الحرق،
وبتحرق كتير من دهون الجسم.

  • بيخلصك من الدهون:

تمرين الاسكوات من التمارين المركبة، وبتساهم في حرق الدهون، وكمان بتساعد جدا في الحفاظ على اللياقة البدنية.
وعلشان بتبني العضلات بسرعة، فده اللي بيساعد في حرق الدهون.

  • تحسين مرونة جسمك:

تمرين الاسكوات بيقوي عضلات رجلك، وده بيديلك مزيد من الحركة والمرونة، وبيديلك وضع أفضل بكتير.

  • تمرين سكوات لشد الجسم والمؤخرة:

احنا وضحنا قبل كده أهمية اللياقة البدنية للجسم كله لما الأمر بيتعلق بتمرين الاسكوات، تمرين الاسكوات كمان بيساعدك تحصل على مؤخرة متناغمة مع شكل جسمك بالحفاظ على التمرين بانتظام.

تمارين سكوات لشد الجسم

المفروض نعمل نصف سكوات ولا سكوات عميق؟

ده سؤال اتسألناه كتير قبل كده, لو هتقدر تعمل سكوات عميق يبقى اعمله. في الاسكوات العميق بتاخد كل الفوايد.
ولو مش هتقدر تعمله، وهتعمل نصف اسكوات، فانت برده هتستفاد. لو انت لسه في الأول مفيش مشكلة إنك تعمله،
بس لازم تتأكد إن رجلك وركبتك على نفس الخط علشان يبقى التمرين صح. خليك بس فاكر إنك مينفعش ترهق نفسك جامد، هدي نفسك خالص وانت بتعمل التمرين، خاصة لو دي كانت أول مرة تعمله.

لو عايز تاخد برنامج تمرين كامل بيعتمد على وزن الجسم وفيه تمرين سكوات لشد الجسم وتمارين مشابهة حمل تطبيق الكوتش.

مزايا وعيوب تمرين الاسكوات:

احنا بالفعل قولنا كذا ميزة من مزايا تمرين الاسكوات:

بيزود الحرق.

بيمنع الاصابات.

بيظبط  شكل الجسم.

بيديلك حركة ومرونة أكتر.

لكن في سلبيات بسيطة لازم تبقى عارفها:

  • لو عملت التمرين بصورة غلط دا ممكن يأذيك.
  • هتحتاج إنك تزود إجراءات السلامة لو هترفع وزن تقيل.
  • التدريب المفرط ممكن يؤدي لمؤخرة ضخمة.

المقالة دي هتفيدك جدا في تجنب السلبيات: إزاي تلعب اسكوات صح؟

تمارين سكوات لشد الجسم

فوايد تمرين الاسكوات وليه لازم كل بنت أو ست تعمله كل يوم

في كتير من أساليب التمارين اللي ممكن نطبقها, في البيت و في الجيم. ممكن نرفع وزن, ونعمل كارديو، وممكن نجري.
علشان كده دايما بنسأل نفسنا سؤال.. ليه الاسكوات؟ اشمعني؟ وإيه هو الاسكوات؟ وإيه العضلات اللي بتشتغل في تمرين الاسكوات؟

استنادا لكل الدراسات العلمية وأدلة التمرين، محدش يقدر ينكر فوايد الاسكوات, وخاصة في الجزء السفلي من الجسم.
ودلوقتي هنتكلم عن:

فوايد الاسكوات خاصة للسيدات:

الاسكوات بيعزز الدورة الدموية:

واحدة من الفوايد الأولى لتمرين الاسكوات للمرأة إنه بيحسن الدورة الدموية. التدفق الصحي للدم، والتمدد المنتظم للعضلات بيمنع السلوليت، من خلال السماح لمزيد من الأكسجين والمواد المغذية إنها تتنقل لأعضاء الجسم الهامة.

الاسكوات بيحسن الهضم:

ودي واحدة من أكبر الفوايد, على الرغم من أنها بتعمل بشكل أساسي على عضلات الرجل، لكن كمان بتعزز سرعة انتقال السوايل عبر الجسم، وده بيحسن كفاءة الأمعاء الدقيقة.

حرق الدهون وتخفيف الوزن:

وده واضح جدا لأن أي نوع من أنواع التمارين بيحرق الدهون. وبصورة أكبر في تمرين الاسكوات، وخاصة في الجزء السفلي
من الجسم. كل ما تزود في عدات تمرين الاسكوات, كل ما تزود مرونتك، ودا هيديلك القدرة على المقاومة،
حتى في جلسات التمرين الأكثر إرهاقا.

تمرين الاسكوات بيقوي الركبتين:

بالإضافة كمان إن الاسكوات هيخليهم  أكثر مرونة، من خلال السماح  للدم والأكسجين بالانتقال عبر الأنسجة.
وده هيأدي لتقليل خطر الإصابة للنصف، خاصة أثناء القيام بتمارين الكارديو. واللي من المعروف إنها بتسبب أضرار للمفاصل.

ضهرك مش معرض للإصابة:

في حين أن العديد من أنواع التمارين بتتسبب في تلف المفاصل والظهر، إلا أن الاسكوات مش بيعمل حاجة غير إنه بيحسنها. وهو تمرين منخفض الجهد ومثالي للأشخاص اللي بيعانوا من مشاكل في الضهر، أو الحالات الطبية المتعلقة بالكاحلين والركبتين.

الاسكوات مش مكلف تماما:

أحد أفضل الأشياء في النوع ده من التمرينات أنه فعال جدا من حيث التكلفة، ومش بيحتاج  لمعدات أو ملحقات خاصة.
ممكن تعمل تمرين الاسكوات في أي مكان, ومش هتحتاج لتجهيزات نقدية أو مالية. وممكن تمزج تمرين الاسكوات مع الجري، تجري شوية وتعمل كذا عدة وهكذا.

الاسكوات بيحسن الموقف العام للجسم:

واحدة من الفوايد الرئيسية للاسكوات للنساء هي أنها بتحسن وضعك. وده بيحصل لأنه بيشتغل على الجسم كله.

تمرين الاسكوات هيخليك تمشي بشكل مستقيم:

لأنه بيغرس فيك انضباط جسدي معين.

هيحسن حياتك كلها عموما:

الاسكوات جزء منتظم من الروتين اليومي، لكنه ممكن يبقي مؤلم ومرهق لو متعملش بطريقة صح. التزامك في الاسكوات،
مش بس هيحسن صحتك، لا كمان هيخليك تعمل أنشطتك اليومية بصورة أسهل.

في النهاية، فوايد الاسكوات كتيرة جدا، لو قعدنا نتكلم عنها يبقى هنقضي حياتنا كلها بنقولها. اتاكد إنك تعمل سكوات كل يوم، ومش بس هتلاقي تحسينات ليها علاقة بصحتك، لأ كمان شكلك هيبقى أحلى.


المصدر:
http://bit.ly/32uMoCo