أهمية شرب الماء قبل وأثناء وبعد التمرين

تغذية صحية
أهمية شرب الماء

أهمية شرب الماء كبيرة جدا لأنه من العوامل المهمة لجسم الإنسان، سواء في الرياضة أو الحياة الطبيعية،
أما بالنسبة للتمارين، فشرب الماء ليه تأثير كبير جداً على تحسين التمرين والاستشفاء. 
النهاردة الكوتش عاوز يفكرك بالنقطة المهمة دي، وهيقولك إزاي تركز عليها ومتنسهاش علشان تستفيد بيها وتحسن من مستوى تمرينتك. 

أهمية شرب الماء قبل التمرين

الحفاظ على رطوبة جسمك قبل التمرين مهم جداً، وقبل التمرين هنا مش معناها قبله بساعة أو اتنين،
ده معناها قبله بيوم، لأنك لو بدأت تمرينتك وانت بتعاني من الجفاف، أو مش شارب كمية كافية من الماء،
ده هيأثر على أدائك وعلى تمرينتك بشكل عام. 
لازم تحافظ على إن مجرى السوائل يكون نشط في جسمك
من خلال شرب الماء باستمرار.

أهمية شرب الماء أثناء التمرين

كتير مننا بيقول لنفسه إن شرب الماء أثناء التمرين مش مهم، لأني بعد ما أخلص ممكن أشرب براحتي
مياه كتير.. لكن ده مش صحيح! لأنك هتكون عرضت جسمك لنقص السوائل والجفاف، وهتحتاج تشرب مياه
كتير جداً بعد التمرين، وتخلي أزايز المياه جمبك علشان تحافظ على تدفق السوائل في الجسم.
لكن لو شربت كويس أثناء التمرين ده هيساعد الجسم إنه يبرد نفسه بنفسه من الداخل،
وهيحسن مستوى ضربات القلب وهيحافظ على الأداء العام للجسم. 

أهمية شرب الماء بعد التمرين 

لازم تعرف كمية الماء اللي جسمك بيفقدها بعد التمرين، وده بإنك توزن نفسك قبل وبعد التمرين،
وبعدين تحسبها لكل كيلو بتخسره من وزنك تشرب قصاده لتر مياه. 

طيب سؤال مهم هنا، 

إزاي أعرف إذا كانت كمية المياه كفاية أو أكتر من المسموح؟ 

علشان نجاوب على السؤال ده، محتاجين نمر باختبارين وهم:

الكمية الزائدة: زي ما قولنا فوق إننا محتاجين دايماً إننا نحافظ على مستويات المياه في جسمنا
قبل وأثناء وبعد التمرين بس ده مش معناه إنك تشرب كميات زائدة عن الحد الطبيعي.
علشان تعرف إذا كنت وصلت للحد الأقصى يبقى تراقب بطنك، ولو حسيت بإنها في حالة انتفاخ غريبة،
وفيها قلقلة وأصوات غريبة يبقى كدا الكمية زايدة عن حدها. 

ثاني حاجة، علشان تعرف إذا كانت نسبة المياة أقل: هي طريقة معروفة جداً عند أغلب الناس وهي لون البول.
لون البول بيعرفك نسبة المياه في جسمك، وده بإن اللون يكون أصفر خفيف يبقى إنت كدا تمام،
لكن لو كان أغمق من كدا يبقى ده معناه إنك مش بتشرب كمية كفاية من المياه. 

هل فيه مشروبات معينة؟ 

المشروب اللي مش محتاج منافس ولا منازع ومضمون هنا هو الماء، بالنسبة للناس العادية
اللي بتشتغل لمدة ساعة أو أكتر، فالجسم طبيعي بيحصل على الإلكتروتات والعناصر الغذائية
اللي محتاجها من الأكل، لكن بالنسبة للناس اللي عندها أملاح أو بتعرق كتير أو بيشتغلوا في الشمس
فالناس دي محتاجة إنها تدعم المياه بالأكل علشان تحافظ على الإلكتروتات في الجسم. 

الخلاصة

الكوتش النهارده بيفكرك بأهمية شرب الماء قبل وبعد وأثناء التمرين، وإزاي تستفيد بيها في صحتك وحياتك
وتمرينتك، وعلشان تتابع كمية المياه اللي بتشربها على مدار اليوم وتسجلها عندك على أبليكشن،
وتعرف كمان نصايح مفيدة وأنظمة غذائية وتمرينات يومية نزّل الكوتش النهاردة وغيّر حياتك. 

 

المصدر: https://bit.ly/2JxSMRX