أفضل تطبيق عربي لممارسة الرياضة في البيت أو الجيم

ناس كتير لما بتفكر في ممارسة الرياضة بتتراجع عن فكرتها أو مبتكملش لأن بيكون صعب للمعظم الالتزام
بالنزول للجيم مع ضغوط الشغل والمواعيد والحياة عموما، وبيكسلوا يتمرنوا في البيت لوحدهم، أو معندهمش
الخبرة اللي تخليهم عارفين المفروض يتمرنوا إيه وإزاي، علشان كده هنعرفكم هنا على أفضل تطبيق عربي لممارسة الرياضة سواء هتختار تتمرن في البيت أو الجيم.

أفضل تطبيق عربي لممارسة الرياضة : الكوتش

ليه بنقول إن الكوتش هو أفضل تطبيق عربي لممارسة الرياضة ؟ لأنه مش مجرد بيديك شوية تمارين ثابتة
لكل الناس، لأ، انت لما بتحمل أبليكشن الكوتش بيسألك كذا سؤال ليهم علاقة بوزنك وطولك ونسبة الدهون
ومستوى لياقتك وهدفك، وبعد ما يعرف كل الإجابات دي بيقدر يصمملك برنامج تمارين خاص بيك انت ومناسب
لجسمك ومستواك وهدفك كمان عشان تقدر توصله بأسرع وقت وتشوف نتيجة ترضيك.
لو انت معندكش وقت أو مش مناسب ليك إنك تتمرن في الجيم تقدر تختار برنامج تمارين البيت،
واللي هيوفرلك مجموعة فيديوهات بتوضحلك التمارين بشكل بسيط، وبيقولك هتتمرن وقت قد إيه
وهتعمل كام عدة من كل تمرين وتاخد راحة وقت قد إيه، كل حاجة محسوبة بالظبط.
أما لو انت من الناس اللي بتحب تتمرن في الجيم تقدر برضو تختار برنامج تمارين الجيم علشان لما تروح
تكون عارف هتتمرن على أنهي آلات بالظبط اللي هتوصلك للهدف اللي انت عايزه، وبرضو تعرف العدات
والمجاميع المناسبة ليك، علشان متعملش أقل من المطلوب فيأخر الوصول للهدف، أو أكتر منه بكتير
فتضغط على جسمك ويحصلك إصابة، الكوتش عارف بالظبط إيه المناسب ليك من خلال إجاباتك على الأسئلة
في البداية علشان كده هيقدر يحددلك الأفضل.

فيه كمان خدمات زيادة لما تشترك في الكوتش بلس وهي إنه بيوفرلك نظام تغذية مناسب لوزنك وعدد
السعرات الحرارية اللي جسمك محتاجها يوميا، شاملة الفطار والغدا والعشا والسناك، بمقادير الوجبة
وطريقة تحضيرها بالتفصيل. أما خدمة مساعد الكوتش دي كأنك بتدرب مع مدرب خاس بالظبط أو بتروح
لدكتور تغذية لأن عن طريقها من داخل الأبليكشن بتقدر تسأل الكابتن أي سؤال ليه علاقة بالرياضة،
أو تسأل إخصائي التغذية عن أي حاجة ليها علاقة بالأكل والدايت.

لما دورنا عن تطبيقات عربي تاني مالاقيناش تطبيقات تقدر تدخل المنافسة، لكن لاقينا تطبيقات أجنبية
نقدر نتكلم عنها وتكون مفيدة زي:

تطبيق Virtual Trainer Pro

تطبيق بيتيح عدد كبير من فيديوهات التمارين الرياضية، وفيه اختيارات كتير سواء انت
عايز تنقص وزنك، أو تبني عضلات، أو تحافظ على لياقتك البدنية.
تقدر عن طريق الأبليكشن تصمم التدريبات الخاصة بيك، وتختار بين أساليب التمارين المختلفة، زي تمارين الكارديو لحرق الدهون أو تمارين كمال الأجسام وبناء العضلات.

تطبيق 30 Day Fit Challenge Workout

التطبيق ده فكرته إنه يساعدك يبقى عندك لياقة بدنية كويسة خلال 30 يوم، وفي الغالب مبيحتاجش معدات رياضية جامدة، بيعتمد على تمارين وزن الجسم اللي تقدر تعملها في البيت أو أي مكان، كل اللي عليك إنك تشوف الفيديو وتعمل زيه بس وتستمر عليه.