أضرار الجلوتامين وفوائده لكمال الاجسام

تغذية صحية
أضرار الجلوتامين وفوائده

علشان نتكلم عن أضرار الجلوتامين وفوائده خلينا الأول نعرف..

إيه هو الجلوتامين؟

الجلوتامين من الأحماض الأمينية غير الأساسية، ينتجه الجسم بصورة طبيعية، ويمكن الحصول عليه من اللحوم،
والفراخ، والأسماك، والبيض، واللبن، ومنتجات الألبان، والكرنب، والبنجر، والفول، والسبانخ. بالرغم من أن الجلوتامين
من الأحماض غير الأساسية إلا إنه ممكن يتوصف في بعض الأحيان بإنه من الأحماض الأمينية الأساسية، لأنه ممكن
ينفد من الجسم بشكل كبير في أوقات معينة، والجسم لوحده ميقدرش يعيد تكوينه بالكميات المناسبة.
الجلوتامين من أشهر الأحماض الأمينية الموجودة في العضلات بحوالي 60% من العضلات الهيكلية، واشتهر كثيراً
في السنوات الأخيرة، نظراً لمساهمته في تخليق البروتين والاسشتفاء العضلي. كما أنه بيزيد مستويات الهرمونات
الطبيعية، وده مهم جداً للضخامة العضلية، وكمان بيلعب دور أساسي في تحسين وظيفة جهاز المناعة.

ليه المفروض آخد الجلوتامين؟

لو هنتكلم عن أضرار الجلوتامين وفوائده هنلاقي إن فوايده أكتر خصوصا لو اتاخد بطريقة وجرعة سليمة،
لأن الجلوتامين عنصر مستقر لأي حد عاوز يحافظ على الضخامة العضلية أثناء التمارين الشاقة أو المستمرة.
بعد التمارين الشاقة بتقل مستويات الجلوتامين في الجسم بشكل كبير، ولما بيحتاج الجسم نسبة أكتر
من الجلوتامين اللي بيقدر على إنتاجه ده بيسمى نقص الجلوتامين، وفي الحالة دي بيتم أيض الجلوتامين
في العضلات، علشان يقدر على دعم باقي الجسم، وبالأخص خلايا الجهاز المناعي اللي بتحتاج نسبة
جلوتامين كافية للعمل بشكل سليم.
إذا كنت بتتمرن لزيادة العضلات والضخامة، لكن نسبة استهلاكك للجلوتامين قليلة، كدا هتضطر جسمك للدخول
في حالة هدمية، وفي الحالة دي بيحصل تكسير لأنسجة العضلات. طيب والموضوع هياخد شوية وقت لغاية
ما نسب الجلوتامين في الجسم تزيد بشكل طبيعي، وده على حسب نشاطك في التمرينن، والنظام الغذائي
علشان كدا المكملات هي الطريقة المفيدة لإعادة إنشاء نسب الجلوتامين بسرعة. مع تقدم السن قدرتنا
على تخليق الجلوتامين بتقل وعلشان كدا بيقترح للاعبين كبار السن الحصول عليه بشكل مستمر.

امتى آخد الجلوتامين؟

أحسن وقت للجلوتامين هو بعد التمرين لأن نسب الجلوتامين بتكون قليلة جداً بعده، ومع ذلك أغلب الناس بتفضل أخذ
المكمل في الصباح وبعد التمرين وقبل النوم، كمان الجلوتامين مشهور بإنه intra workout supplement
يعني من المكملات اللي تاخدها أثناء التمرين، وهتلاقي الجلوتامين موجود في أغلب المكملات.

الجرعة قد إيه؟

لو بتتمرن بشكل مكثف يبقى من 10-15 جرام من الجلوتامين في اليوم كفاية، ويستحسن يكون 5 جرام منه بعد التمرين،
وطبعاً في أغذية كتير بتحتوي على الجلوتامين، علشان كدا لازم تحافظ عليها علشان تشارك كمان في زيادة الجلوتامين.

لو محتاج مساعدة في المكملات الغذائية المناسبة ليك ولهدفك يبقى انت محتاج تحمل أبليكشن الكوتش لأنه بيوفرلك
نظام تدريب كامل حسب هدفك ومستوى لياقتك، وخطة تغذية مناسبة ليك، وكمان بيقولك محتاج تاخد إيه بالظبط من
المكملات الغذائية بجرعاتها.

المصدر: http://bit.ly/2SVs6Ob