أفضل المكملات الغذائية للتخسيس

11/07/2019 مكملات غذائية

في المقال ده عندنا ستة من أفضل المكملات الغذائية للتخسيس وزي ما انتوا عارفين في ناس كتير بتحاول تخسر وزن بطريقة أو بأخرى وساعات بتحاول بطرق صحية وساعات طرق غير صحية إلى حد ما.
طيب علشان كدا هنتكلم في المقال ده طريقة صحية لخسارة الوزن بمساعدة المكملات.

المقال ده معمول مخصوص علشان يعرفك إنه مش لازم علشان تخس تمشي على نظام غذائي يعتمد على أكلات معينة فقط أو الحرمان من الأكل عموماً،
لأ في طرق تانية ممكن تكون أسهل وأبسط وتوصلك لهدفك وهو إنك تحصل على جسم متناسق بدون دهون ومليء بالكتلة العضلية.

المفتاح معانا النهاردة هو المكملات، هتستعين بالمكملات في مشوارك للتخسيس، لكن خليك عارف
وزي ما بنقول دايماً إن المكملات مش هي العصايا السحرية اللي هتحولك، الموضوع محتاج منك شوية مجهود ونظام تغذية مفيد وصحي
على شوية تمارين في الجيم، طيب ليه إحنا بنربط دايماً كلمة كتلة عضلية مع كلمة تخسيس؟ ده لأنك علشان تحرق دهون محتاج تحلصل على كتلة عضلية لأنها بتساعد في حرق الدهون

وعلشان كدا لازم تحرص على الكارديو والتمرين ودلوقت بعد ماتفقنا على النظام والتمرين والعضلات خلينا نتعرف على المكملات اللي هتساعدنا في الهدف بتاعنا. هنتكلم عن المكملات المفيدة في التخسيس وهنتعرف على أفضل الأنواع وأكثرها فائدة،

حرصاً على سلامتك لازم تستشير الدكتور أولاً إذا كانت المكملات دي ممكن تعمل عندك أي نوع من الحساسية أو يكون فيها أي مشكلة

أفضل المكملات الغذائية للتخسيس

1. مكملات الفيتامينات المتعددة (Multivitamin)

للأسف أصبحت أغلب المأكولات الموجودة دلوقت سيئة من ناحية القيمة الغذائية وده سببه يرجع إلى سوء الحصاد
ورش المبيدات على الأطعمة والهرمونات اللي بتتحقن للحيوانات، كل دي عوامل سيئة بتأثر على التغذية الصحية السليمة،
لكن مع الاستعانة بالمكملات للحصول على جرعة مناسبة من الفيتامينات المتعددة هتقدر تحافظ على صحتك وتمنع الإصابة بالأمراض.

في دراسات بتفيد إن الاستخدام المستمر للفيتامينات المتعددة ويفضل يكون مع المعادن والمكملات الغذائية الفردية
زي (الكالسيوم أو الفوليك آسيد) بيدي نتيجة إيجابية في تقوية المناعة عند كبار السن الذين يعانون من ضعفها
وبيوصل لإنه بيقلل خطر الإصابة بالتشوهات عند الولادة زي عيوب الأنبوب العمودي.

2. مكملات سلسلة الأحماض الأمينية المتشعبة (BCAA)

أكيد سمعت عن الأحماض الأمينية وإنها هي حجر الأساس للبروتين. يعني لما تاكل حاجة فيها بروتين
بيتم هضمها في المعدة والأمعاء وبتتحول إلى أحماض أمينية منفردة وسلاسل قصيرة صغيرة جداً من الأحماض الأمينية
لكي يتم امتصاصها في مجرى الدم. وبيكون للأحماض الأمينية دي تأثيرات كبيرة جداً في الجسم

أولها إنه بيساعد على بناء وإصلاح الأنسجة وإنتاج مواد كيميائية بتساعد الدماغ إنه يشتغل بصورة أحسن ويديك طاقة أكبر
تخلي تمرينتك أقوى وأكثر تركيز وكمان بتحسن الاستشفاء العضلي في نفس الوقت.

كمان تم إثبات فاعلية الأحماض الأمينية علمياً وذلك لأنها بتساعد في الاستشفاء السريع وتحسين إنتاج ثلاثي فوسفات الأدينوزين (Adenosine triphosphate) أو ATP وبالتالي تحسين الخلايا وتجنب الإرهاق عن طريق منع دخول أي حوافز إرهاق
(تريبتوفان) إلى الدماغ وده بيزيد تخليق البروتين وتحسين وظائف المناعة والهضم، وكمان تحسين توسع الأوعية الدموية
واللي بيأدي إلى امتصاص واستيعاب البروتين بشكل أفضل وبيحسن مستويات هرمون النمو.

المكمل ده مهم جداً في عملية التخسيس لأنه بيضمنلك منع عملية الأيض الهدمي (أي خسارة الوزن العضلي)
والحفاظ على الكتلة العضلية حتى في حالة نقص السعرات الحرارية.

3. الواي بروتين Whey Protein

وهو من أفضل الأنواع وأحسن الأشكال للبروتين وكتير جداً من اللاعبين عارفين قيمة وأهمية الواي بروتين
وده لأنه بيمد الجسم بحجر الأساس علشان ينتج الأحماض الأمينية التي تستخدم في بناء الأنسجة العضلية.

من الناحية العلمية، أثبتت الدراسات بعد مقارنة الواي بروتين مع مصادر أخرى، إنه بيحتوي على أفضل خليط من الأحماض الأمينية
بالتركيز المناسب لإعطاء أفضل نتيجة في الجسم من ناحية الهرمونات والاستجابات الخلوية.

وكمان الواي بروتين ليه فوائد في تقوية جهاز المناعة وده مثبت بالأبحاث العلمية وده لإنه بيشتغل كمضاد للأكسدة
وبذلك بيساعد في دعم نظام المناعة بطريقة صحية والأهم من كل ده إن استهلاك البروتين بشكل معتدل
بالإضافة إلى التمرين بيدي نتائج مذهلة في بناء العضلات.

4. الجلوتامين Glutamine

تقترح الدراسات أن مستويات الجلوتامين في الجسم بعد التمرين بتقل بنسبة 50% وبم إن الجسم
بيعتمد على الجلوتامين كمصدر لدعم الخلايا ونظام المناعة فبتقترح الدراسات العلمية إن مكملات الجلوتامين

ممكن تقلل الهدم العضلي وتحسن معدلات أيض البروتين Protein metabolism وده لأن تأثيرات الجلوتامين على الخلايا مُثبتة علمياً من جهات كتير وكمان في دراسة حديثة أثبتت إنه بيكون في زيادة كبيرة في مستويات نمو الهرمونات
عندما يستهلك لاعب كمال الأجسام أقل من 2 جرام من مكمل الجلوتامين الصافي.

5. مكملات حرق الدهون و توليد الحرارة Fat Burner/Thermogenic

مكملات توليد الحرارة دي ببساطة عبارة عن مكملات لحرق الدهون وكلمة حرارة جاية من الحرق زي ماحنا عارفين
وده لأنه بيعتمد على حرق الدهون، خلينا نتعرف عليها أكتر:

المكملات دي مهمة جداً في إنها تقنع خلايا وأنسجة الدهون العنيدة إنها تتفتح وتسيب الدهون تدخل إلى مجرى الدم علشان الجسم يستخدمها كمصدر للطاقة أثناء التمرين والمكون المسئول عن العملية دي هو اليوهمبين (Yohimbine)
بالنسبة لكلمة مكملات توليد حرارة Thermogenics فدي وظيفتها باينة من اسمها وهي إنها بتساعد الجسم على زيادة الحرارة الداخلية علشان تشتغل السخونة دي على حرق سعرات حرارية أكتر في نهاية اليوم وبالتالي حرق الدهون ومن المكونات المسئولة عن العملية دي الكافيين.

6. مكمل أكسيد النتريك Nitric Oxide

بيتحكم أكسيد النيتريك في الدورة الدموية وبيبعت رسائل بين الخلايا العصبية ومن مزاياه اللي المفروض
يستفيد منها لاعب كمال الأجسام إنه بيزود نسبة تدفق الدم وده طبعاً بيخدم في توصل عناصر غذائية أكتر للعضلات
وبكدا يساعد العضلات على النمو لما تتعرض للضغط.

من المكملات الغذائية اللي اشتهرت مؤخراً هو الأرجينين Arginine وده لقدرته على إنتاج أكسيد النيتريك
وقدرته على إرسال إشارات إلى خلايا العضلات وإنتاج هرمون النمو ودعم نسبة كوليسترول صحية وتحسين معدل أيض الدهون.

بيساعد الأرجينين على تنظيم مستويات الأملاح في الجسم وللسبب ده لازم يكون مصدر اهتمام عند لاعبي كمال الأجسام
عشان قدرته على التوسع والمشاركة في عملية تخليق البروتين.

طبعاً مكمل غني بالمزايا دي أكيد هيضمنلك ضخ قوي في العضل وبذلك تحسين عناصر التغذية والأكسجين اللي بتوصل للخلايا وبجانبه ممكن تستخدم الكافيين علشان يديك طاقة كمان.

بعد ما عرفنا كل المكملات الغذائية للتخسيس لو عايز خطة تغذية وتمارين متكاملة حسب احتياجاتك الشخصية بالظبط، تقدر دلوقتي تنزل أبلكيشن الكوتش وهتلاقي كل ده على بُعد ضغطة واحدة منك.