قصص أبطال الكوتش وفقدان الوزن الزائد

أبطال الكوتش الجزء الثاني

أكبر دافع وحافز لينا في الكوتش هو إننا فعلا نشوف تغيير إيجابي في حياة المشتركين

 وفي مسابقة أبطال الكوتش عرفنا ازاي مع الالتزام والتمرين الجد فعلا هتلاقي نتيجة كل مجهودك وتعبك. 

وأبطالنا اللي هنتكلم عنهم النهاردة مش بس خسروا وزن ولكن حصلوا على زيادة العضلات وتحسين شكل الجسم يعني عملوا فورمة.

أول واحد هنتكلم عنه احمد محمد عبد الجواد:

“ده  أحسن أبليكشن استعملته  في المجال ده” 

الكلام اللي جاي ده على لسان أحمد: “من أكتر المشاكل اللي بتواجه الناس وهما بيتمرنوا لوحدهم،
المفروض أتمرن إيه؟ طب أمرن أنهي عضلة النهارده؟ وكل تمرينة تتكرر كام مرة في الأسبوع،
طب التمرين لو اتعمل بشكل غلط هيأثر عليا سلبي”.

علشان كده دي كانت من أكتر الحاجات اللي عجبت أحمد في أبليكشن الكوتش:
“كفاية إني مش شايل هم هتمرن إيه كل يوم من دماغي،
التمارين في الكوتش واضحة بالفيديوهات وترتيبها، غير أنها مش ثابتة،
بتتغير كل شهر وتطور مع مستواك، وده كان ليه سبب كبير أن أكمل وأستمر،
لأنه وفر عليا مجهود كبير في البحث”.

“تشجيعكم ومتابعتكم معايا ساعدتني كتير في طريقي،
والبرنامج مشجع ومقنع جدا وفعلا اللي مصممينه ناس فاهمة ودارسة صح”.

أحمد عمل تحول رهيب في جسمه وعمل فورمة ممتازة مع برنامج كمال الأجسام على الكوتش!

اقرأ المقال الأول قصص أبطال الكوتش من فقدان الوزن الزائد والتغيير لحياة صحية

تاني بطل عندنا من أبطال الكوتش هنتكلم عنه النهاردة هوه محمد سيد

“تجربتي مع الكوتش كانت في بدايتي وزني ٦٠ كيلو و كنت رفيع جدا نزلت التطبيق ولقيت اهتمام غير عادي
مع بدايه يومي والاقي اشعار علي الفون متنساش تشرب مياه وبعدها وجبه فطارك
وحتي التمرين كلمات تشجعيه تخليلك متكسلش عن التمرين
ولما بدأت اتمرن و انتظم في التمارين اللي معروضه بطريقه مبسطة ومنظمه بفيديو شرح ازاي العب
ويكون أدائي صح علشان أتجنب الإصابات كمان كان في محادثة دايما بيني وبين الكوتش
بيديني أهم النصائح أو لو في حاجه واقفه معايا بصراحه في اهتمام و كباتن جدعه جدا وفاهمه رياضة صح
وقدرت اني اوصل لهدفي هو ٧٢ كيلو باكتساب كتله عضلية كويسة وفرق كبير
واهو مستمرين وان شاء الله اللي جاي أحسن شكراً جداً للكوتش”

دي شهادة بنعتز بيها جداً من محمد وأكيد التزامه بالتمرين واجتهاده هو السبب في النتيجة الممتازة دي ولسه مكمل معنا..

يحي زكريا بقى من أبطال الكوتش الي عملوا تحول رهيب:

“الكولسترول والدهون الثلاثية اللي ملازمني أكتر من 10 سنين راحوا!”

يحيى بيقولنا إنه اتفاجىء بالكوتش:”كنت بلعب عالموبايل وجه قدامي برنامج الكوتش بالصدفة واستغربت أنه عربي
وقولت أدخل أشوف ايه الكلام المكتوب جواه وكان على عكس توقعي تماما! لاقيت الكوتش بيظبط البرنامج على حسب كل مستخدم..
طوله ووزنه ونسبة الدهون ولياقته البدنية، مش برنامج موحد لكل الناس،
وده عرفني إنهم ناس فاهمين وماشيين على أسس علمية مظبوطة،
مش مجرد أبليكشن بيديك نظام وشوية تمارين وخلاص”.

يحيى بيتكلم عن النتايج هنا وبيقول:

“علشان كده حسيت إن المرة دي فيه أمل وبدأت أتابع مع الكوتش فعلا ولمدة 3 شهور حياتي اتغيرت فيهم:

-وزني نزل من 133 لـ 118 كيلو.

-نسبة الدهون كانت 50% نزلت لـ 44%

-نسبة العضل زادت.

-كل اللبس بقى واسع عليا.

-آلام وضعف عضلات الجسم، اللي روحت بسببه لدكاترة كتير بدون فايدة، راح الحمدلله.

– الكولسترول والدهون الثلاثية اللي ملازمني أكتر من 10 سنين راحوا

– كذلك الضغط العالي وبوادر السكر.

انت كمان تقدر تبدأ رحلة التغيير دلوقتي وتحمل الكوتش على موبايلك وتختار برنامج التمارين الرياضية
اللي يناسبك زي التمرين في المنزل واللي ناس كتير بتختاره حاليا، وتتابع معانا كمان من جوه الأبليكشن
مع الكوتش وإخصائي التغذية لأي أسئلة عندك عن التمرين أو الأكل، كل ده بالإضافة لنظام التغذية
اللي هتحصل عليه واللي محسوب ليك بالظبط حسب عدد السعرات الحرارية اللي جسمك محتاجها
عشان توصل للجسم المثالي اللي بتحلم بيه، الكوتش هيحددلك وجبات الفطار والغدا والعشا والسناك
بمكوناتها وطريقتها، وكمان بدايلها علشان لو فيه حاجة مبتحبهاش أو مش متوفرة في الوقت الحالي.