8 أطعمة رخيصة وغنية بالسعرات الحرارية

تغذية صحية
أطعمة رخيصة وغنية بالسعرات الحرارية

من المفترض إن الشخص يتناول حوالي 1600- 2400 سعرة حرارية يوميا، بغض النظر عن السعرات، بدل ما تختار
بين إنك تحس بالجوع أو تصرف فلوس كتير جدا عشان تاكل أكلات كويسة، قررنا هنا نوفرلك قايمة أطعمة رخيصة وغنية بالسعرات الحرارية .

8 أطعمة رخيصة وغنية بالسعرات الحرارية

 

1- الأرز الأبيض

الرز عنصر أساسي في معظم الدول خصوصا في مصر، وسعره في متناول الإيد في حدود من 7 لـ10 جنيه للكيلو،
والـ100 جرام منه بتديك 360 كالوري تقريبا.

2- زبدة الفول السوداني

زبدة الفول السوداني مغذية وفيها فوايد وبروتينات عالية جدا، سعرها في حدود 40 جنيه لعبوة وزنها 400 جرام.
والـ100 جرام منها فيها 588 كالوري تقريبا.

3- الحليب (اللبن)

اللبن من المواد الغذائية المفيدة جدا، من حيث محتواه في السعرات والبروتين والكالسيوم، سعره في حدود 12 جنيه للكيلو، والكوباية فيها 150 كالوري تقريبا.

4- المكرونة

لو بتدور على أطعمة رخيصة وغنية بالسعرات الحرارية هيبقى من أفضل اختياراتك المكرونة، لأنها من الأطعمة النشوية
اللي محتواها عالي في السعرات، الـ100 جرام منها فيها 370 كالوري تقريبا، والكيلو سعره في حدود 9 جنيه.

5- البيض

البيض من أهم الأطعمة المغذية والمفيدة في فقدان الوزن وزيادة العضلات، وسعره مناسب جدا،
البيضة في حدود 1.30 جنيه، والـ100 جرام فيهم 155 كالوري.

6- البطاطس

الـ100 جرام من البطاطس فيها 77 كالوري تقريبا، وسعرها في حدود 7 جنيه للكيلو.

7- الحمص

ناس كتير متعرفش إن الحمص من أعلى الأطعمة في القيمة الغذائية وفيه بروتين عالي، غير إن الـ100 جرام منه فيهم 364 كالوري تقريبا، وسعره في حدود 40 جنيه للكيلو.

8- الذرة

ذرة الفشار مش بس مسليات لكنها مفيدة جدا من ناحية القيمة الغذائية، الـ100 جرام من الذرة فيها 375 كالوري،
وسعرها في حدود 25 جنيه للكيلو.

متنساش تحمل أبليكشن الكوتش علشان تاخد نظام غذائي كامل محسوب السعرات الحرارية، وعدد جرامات البروتين والكربوهيدرات والدهون في كل الوجبات يوميا، حسب هدفك ووزنك، مع برنامج تمارين رياضي مناسب لظروفك كمان سواء هتقدر تتمرن في جيم أو هتتمرن في البيت.

المصدر: http://bit.ly/2nuhaeO