تجربة أبطال الكوتش لفقدان الوزن الزائد (٣)

أبطال الكوتش الجزء التالت

اتكلمنا في مقالين قبل كده عن قصص أبطال الكوتش اللي حققونا نتايج مبهرة لينا

ولكل اللي تابعونا على السوشيال ميديا في مسابقة الكوتش هيروز

النهاردة هنتكلم عن ٣ أبطال تانيين وومكملين معاكم سلسلة المقالات عن أبطال الكوتش

إسلام شاهين 

عن تجربته مع الكوتش إسلام بيقول:

“انا بداية معرفة الكوتش عن طريق بوست التحدي وحملته من أول ما قدمت فالتحدي
ما استنتش اتقبل و مشيت عليه كام يوم قبل التحدي و كنت هكمل عليه كدا كدا
حتى لو ما اتقبلتش للامانه جميل جدا و بشجع صحابي ينزلوه لما اي حد يسألني خسيت ازاي
وبتتمرن ازاي بقولهم عليه على طول لانه يستحق”

إسلام لما بدأ معنا كان وزنه ٩٦ كيلو واختار واتمرن برامج كمال الأجسام ووصل للوزن المثالي بالنسبة له ٨٢ كيلو!

التزامه واجتهاده في التمرين كان معاه حفاظ على الدايت ونظام التغذية المخصص ليه على الكوتش:

“التغذيه مناسبه جداً و الأطباق اليومية في البيت مش بنروح بعيد
واول ما وصلت للوزن المثالي غيرت التغذيه (لثبات وزن) وكملت عليه ومكمل ان شاء الله”

كيرلس سعيد 

كيرلس لسه مكمل معانا في التحدي وخسارة الوزن على برنامج تمارين كمال الأجسام.

“انا كنت ماشي علي نظام تمارين جيم وفعلا النظام فوق الرائع والتمارين متنوعة جدا
 وقدرت انزل نسبة الدهون من ٣٠ ٪ الي ٢٢ ٪ خلال شهرين”

زي ما بنأكد كل مرة إن التغذية السليمة هي اللي بتوصلك للحياة الصحية. كيرلس بيقول:

“أكتر حاجة حبيتها في الكوتش هو النظام الغذائي بصراحة تنوع الاكل ممتاز جدا”

في الكوتش كمان المتابعة الفردية بتفرق لأن المدربين وخبراء التغذية بيتابعوا معاك وبيجابوا على كل أسئلتك.

“وكمان طبعا متابعة الكوتش معايا في الشات حاجة روعة وكمان بتخليك واثق في كل مرحلة انت ماشي فيها..”

“حقيقي مبسوط جدا بالتجربة وإن شاء الله ارشح الكوتش لكل حد حابب يغير حياته للافضل”

 

أخر بطل من أبطال الكوتش في مقال النهاردة: حسين علام

حسين قدر في شهرين أنه يخسر سبعة كيلو و١١٪ من دهون جسمه

“تطبيق الكوتش فرق كتير في انه وفر النظام الغذائي المناسب لكل جسم
مع مجموعه تمارين منظمه و الأفضل إني مكنتش محتاج مدرب و دي اكتر حاجه فرقت”

“أنا مبسوط أني كنت في التحدي ومعرفه ناس جميلة عايزة تغير من نفسها للأحسن
وإن شاء الله هما قادرين علي دا مع تطبيق الكوتش و أي حد تاني قادر علي كدا
وانصح الناس انها تستخدمه لانه هيقدر يوفر لهم اللي هما محتاجينه”

انت كمان تقدر تبدأ رحلة التغيير دلوقتي وتحمل الكوتش على موبايلك وتختار برنامج التمارين الرياضية
اللي يناسبك زي التمرين في المنزل واللي ناس كتير بتختاره حاليا، وتتابع معانا كمان من جوه الأبليكشن
مع الكوتش وإخصائي التغذية لأي أسئلة عندك عن التمرين أو الأكل، كل ده بالإضافة لنظام التغذية
اللي هتحصل عليه واللي محسوب ليك بالظبط حسب عدد السعرات الحرارية اللي جسمك محتاجها
عشان توصل للجسم المثالي اللي بتحلم بيه، الكوتش هيحددلك وجبات الفطار والغدا والعشا والسناك
بمكوناتها وطريقتها، وكمان بدايلها علشان لو فيه حاجة مبتحبهاش أو مش متوفرة في الوقت الحالي.