أضرار BCAA ومصادره في الأكل!

14/07/2019 مكملات غذائية

أيه هي أضرار bcca عشان نعرف الأضرار لازم نشرح أهميته وهوه عبارة عن أيه الأول!

الأحماض الأمينية المتشعبة BCAA من العناصر الغذائية الأساسية لأنها عبارة عن بروتينات موجودة في الطعام والعضلات بتاعتنا بتحرق الأحماض الأمينية دي علشان تحصل على الطاقة.

الأحماض الأمينية الأساسية اللي بتشكل السلسلة المتشعبة دي هي الليوسين و الأيزوليوسين والفالين، كلمة متشعبة هنا بتشير إلى التركيب الكيميائي للعناصر دي.

فوائد bcaa “سلسلة الأحماض الأمينية المتشعبة”

ليه الناس بتلجأ للأحماض الأمينية المتشعبة؟

يلجأ الرياضيون إلى مكملات الأحماض الأمينية المتشعبة (BCAA) علشان تساعدهم على الاستشفاء بعد التمارين وكمان تحسين الأداء الرياضي.

أثبتت الدراسات إن BCAA ممكن تمنع الهدم العضلي أثناء التمرين لكنها مش بتساعد في الأداء الرياضي.

كمان في ناس بتاخد الأحماض الأمينية كنوع من أنواع الدواء لعلاج بعض المشاكل مثل:

خسارة العضلات
الفقدان المزمن للشهية
بعض الاضطرابات الدماغية

في بعض الدراسات أثبتت إن الأحماض الأمينية المتشعبة ممكن:

تحسن الشهية عند الناس اللي بيعانوا من سوء التغذية أو لاقدر الله السرطان

بتحسن الأعراض المتعلقة بالاعتلال الكبدي (hepatic encephalopathy) أو خلل الحركة المتأخر (tardive dyskinesia)

لكن غير مؤكد إذا كانت الأحماض الأمينية ليها فوائد تجاه مرض السكر أو اضطربات طيف التوحد ( autism spectrum disorder)

بتختلف جرعات الأحماض الأمينية المتشعبة حسب سبب الاستخدام وبتختلف جودة وفعالية المكونات في المكملات حسب الشركة المصعنة وده بيصعب عملية إنك تحدد جرعة محددة ثابتة.

هل نقدر نحصل على الأحماض الأمينية المتشعبة بصورة طبيعية من الأكل بتاعنا؟

الإجابة هي نعم لأنك ممكن تحصل على الأحماض الأمينية دي من المصادر التالية:

وي بروتين واللبن وبروتينات الصويا
لحم البقر والدجاج والسمك والبيض
الفاصوليا المطبوخة وحبوب الفاصوليا
الحمص
العدس
كل أنواع الدقيق
الأرز البني
اللوز والجوز البرازيلي والكاجو
بذور اليقطين

ما هي أخطار تناول الأحماض الأمينية المتشعبة؟

الأثار الجانبية: حتى الآن مفيش أضرار مثبتة للأحماض الأمينية لما تاخدها من المكملات لغاية حوالي 6 شهور لكن عموماً الأعراض الجانبية ممكن تشمل، الغثيان والشعور بالألم والصداع.

المخاطر: إن الأحماض الأمينية ممكن تتداخل مع مستويات الجلوكوز في الدم أثناء وبعد العمليات الجراحية. كمان ممكن تشكل خطر لو كنت بتعاني من إدمان مزمن للكحول أو بيلة الحمض الكيتوني المتفرع السلسلة (branched-chain ketoaciduria).

ممنوع استخدام الأحماض الأمينية للحوامل والمرضعات.

تفاعلات الأحماض: قبل أي حاجة لازم ترجع للدكتور علشان لو بتاخد حاجة من الحاجات دي:

أدوية السكري
أدوية باركنسون
الكورتيكوستيرويدات
هرمون الغدة الدرقية
بروغليسيم (ديازوكسيد)

الخلاصة في مقال النهاردة بعد ما عرفنا أضرار bcca هي إننا عاوزين نقولك قبل أي استخدام للمكملات، روح للدكتور وكلمه عن المكملات اللي بتاخدها حتى لو كانت تمام معاك علشان بس تضمن إنك في الأمان بعيداً عن أي أعراض جانبية أو أي تداخلات بين الأدوية أو الأطعمة وكمان علشان تطمن منه إذا كان المكمل ده ممكن يسبب خطورة أو لأ.

نزّل أبلكيشن الكوتش النهاردة وابدأ برنامج تمارين متكامل وخطة تغذية ومكملات مناسبة لهدفك!