كيف تختار الجدول الغذائي المناسب لك في 5 خطوات

تغذية صحية
كيف تختار الجدول الغذائي المناسب

إيه أفضل نظام غذائي؟ مفيش نظام غذائي معين ينفع لكل الناس. أفضل نظام غذائي ليك
هو النظام اللي تقدر تمشي عليه على المدي البعيد. الخطة اللي تناسب نمط حياتك
وتبقي سهلة المتابعة بالنسبة لك. كيف تختار الجدول الغذائي المناسب ؟
تقدر تعرف الحاجات اللي محتاج تشتريها وتحدد الوجبات الغذائية اللي هتختارها
عشان تختار أفضل نظام غذائي ينفع معاك.

كيف تختار الجدول الغذائي المناسب ؟

هتسأل نفسك 5 أسئلة، الإجابات على الأسئلة دي هتساعدك تختار النظام الغذائي المناسب.

إيه هي ميزانيتي؟

قبل ما تبدأ في التسوق، حدد المبلغ اللي هتصرفه بالظبط. بعد كده اعتمادا على المعلومات دي
هتبدأ تشوف الخطط اللي ممكن تختار منها خطتك المناسبة، وتشوف مناسبة مع ميزانيتك ولا لا.
اتأكد أنك حسبت التكلفة كاملة، واحسب الوقت اللي هتحتاجه عشان تحقق هدفك،
وتوصل للوزن المناسب من النظام الغذائي دا.

لازم تحط في بالك أن تكلفة برنامج النظام الغذائي مش لازم تبقي مؤشر على نجاح الخطة.
مش معنى إنك دفعت مبلغ يبقى لازم وزنك يقل. ومع ذلك، فيه بعض الأدلة اللي بتشير أن خطط
فقدان الوزن التجارية بتنجح أكتر من  محاولة إنقاص الوزن لوحدك. وجدت الأبحاث في مجلة
الجمعية الطبية الأمريكية أن الأشخاص الللي اتبعوا خطة تجارية منظمة فقدوا وزن أكبر شوية
من اللي اتبعوا خطة المساعدة الذاتية.
تقدر تشترك في أبليكشن الكوتش بسعر مناسب جدا علشان تاخد خطة تغذية كاملة
محسوبة السعرات الحرارية حسب وزنك وهدفك، وبرنامج تمرين رياضي كامل بتختاره
سواء هتتمرن في البيت أو الجسم، مع وجود خدمة مساعد الكوتش اللي بتقدر تسأل فيها
إخصائي التغذية والكوتش عن أي أسئلة محتاج تعرفها.. حمل الأبليكشن من هنا.

هل عندك مشاكل صحية لازم تاخدها  في الاعتبار؟

الدكتور بتاعك ممكن يساعدك في تحديد المشكلات الصحية اللي لازم تاخد بالك منها وانت بتفكر
كيف تختار النظام الغذائي المناسب لك. الأشخاص اللي  بيعانوا  من مرض السكري،
على سبيل المثال، ليهم احتياجات غذائية محددة هتقلل من أنواع الوجبات الغذائية
اللي ممكن يختاروا  منها. الأشخاص اللي بيعانوا من ارتفاع ضغط الدم مرشحين رائعين لبرنامج DASH،
ودا بيساعد على تقليل استهلاك الملح. المرضى اللي تم تشخيصهم بالتهاب المفاصل
هيبقوا مرتاحين أكتر مع الخطط اللي مش بتحتاج تمارين كتير.

هل جدول أعمالك يسمح بإعداد الطعام؟

أحد أسباب فشل كتير من الوجبات الغذائية هو أن الجداول المزدحمة بتعوق عادات الأكل الجيدة.
خلينا واقعيين، صعب تعدي من قدام مطعم للوجبات السريعة بعد ما يبقى بقالك 10 ساعات شغال
ومتشتريش منه، إلا لو انت عارف إن فيه أكل صحي موجود وجاهز في البيت، الموضوع كده
بيبقى أسهل بكتير. فكر في الوقت اللي محتاجه عشان تتسوق وتجهز أكلك.
خليك واقعي لو مش مناسب معاك تعمل أكلك بنفسك، البرنامج اللي بتضمن الأكل الجاهز هتبقي أحسن ليك.

هل عندك دعم اجتماعي؟

جزء مهم من كل نظام غذائي ناجح هو الدعم الاجتماعي. الدعم دا ممكن يبقى من الأهل
أو حد من الجيران اللي بيبتعوا نظام غذائي محدد أو مجموعة أصدقاء بتساعد في توفير الدعم
العاطفي اللي بتحتاجه في  رحلة النظام الغذائي الخاص بيك. تقدر تحصل على الدعم الاجتماعي
من الأصدقاء أو العائلة، أو ابحث خارج دايرتك الداخلية عن صديق دايت.

إيه الخطط اللي جربتها في الماضي وليه فشلت؟

قيم تاريخ إنقاص الوزن الخاص بيك، وحط قايمة بالأسباب اللي أدت لفشل الأنظمة الغذائية السابقة.
هل خيارات الأكل كانت مقيدة زيادة؟  اختار نظام غذائي يعلمك نصايح  للتحكم في الكمية
بدل من القيود المحددة على الطعام. هل كنت دايما بتحس بالجوع؟  ممكن أفضل نظام غذائي
يسمحلك بتناول كميات كبيرة، ولكنه بيشدد على استهلاك الأطعمة منخفضة السعرات الحرارية
زي الفواكه والخضروات والبروتين الأساسي ومنتجات الألبان.

هل فقدت الدافع؟ اختار خطة نظام غذائي بتضمن مساءلة أحد الأصدقاء أو مجموعة الدعم
أو أخصائي فقدان الوزن. دا هيساعدك على تعلم مهارات تحفيزية هتخلي نظامك الغذائي ماشي على الطريق الصح.

النظام الغذائي الصحيح هو النظام اللي يخلي صحتك كويسة وسعيد، وعلى المسار الصحيح
لأي هدف بتسعى ليه. وانت بتفكر كيف تختار الغذائي المناسب ، حاول تتجاهل المطالبات
والإعلانات. بدل كده، ركز على اعتباراتك الجسدية والعاطفية ونمط حياتك والخطة اللي تساعدك
على الوصول لهدف إنقاص وزنك.

 

المصدر: http://bit.ly/2unqWCx