قصص أبطال الكوتش من فقدان الوزن الزائد والتغيير لحياة صحية

أبطال الكوتش
قصص نجاح في فقدان الوزن

“تجربتي مع الكوتش كانت من أحسن تجارب حياتي، لولاهم ومساعدتهم ماكنتش هحب الرياضة”

بالجملة دي بدأت نسمة محمد كلامها عن تجربتها مع الكوتش واللي ساعدتها في فقدان الوزن الزائد
وخليتها تخس حوالي ١٢ كيلو من وزنها خلال ٣ شهور بعد الالتزام ببرنامج التمارين المنزلية
ونظام التغذية الصحية، والحقيقة نسمة قررت التغيير مع نفسها بعد ما جربت تمارين الكوتش
فترة كبيرة من غير ما تلتزم قوي بنظام التغذية، وزي ما احنا عارفين أن أكتر من ٨٠٪ من النتيجة
بتظهر بعد الالتزام بالتغذية الصحيحة مش مجرد أداء التمرين بس. 

نسمة قبل وبعد فقدان الوزن الزائد

“لغاية اما قولت اجرب الاكل بتاعهم بصراحه هو بنسبة ٩٠% متاح في آغلب بيوتنا وفعلاً عجبني الموضوع”
نظام التغذية عندنا محسوب بطريقة علمية تساعدك في فقدان الوزن الزائد ، والشيف
اللي عمل الوجبات مراعي إن مكوناتها تكون في متناول الجميع وكمان في قائمة طلبات
كل أسبوع بتسهل عليك تشتري طلبات الأكل كلها مع بعض وتبدأ تحضرها براحتك. 

“أهم حاجة إني أما بحس إني هقطع في النص واقول للكوتش بتاعي تابعني عشان حاسه
إني ممكن اخسع فعلاً بيبعتلي ويتابعني ويتأكد إني لعبت رياضتي.”
خدمة المتابعة الفردية من أهم الخدمات اللي بتخليك تتابع تقدمك معنا، واحنا معاك بنشجعك
تكمل وتحقق هدفك  سواء كان فقدان الوزن الزائد أو زيادة العضلات والتضخيم، والكوتش هيجاوب
على أسئلتك المتعلقة بالتمرين والمكملات ودكتور التغذية هيجاوب على أسئلتك الخاصة بالأكل ده بجانب
تشجيعك على الاستمرار في التمرين.

وعلى فكرة قصة نسمة لسه مخلصتش لحد هنا…

5 طرق سهلة هتساعدك في فقدان الوزن الزائد بسهولة.

شريف قبل وبعد فقدان الوزن الزائد

تجربة شريف كمال في فقدان الوزن الزائد مع  الكوتش

“مكنتش واخد بالي إني تخنت أوي كده.. بس لما خسيت عرفت الفرق ورغم إن عمري 29 سنة
بس لكن مستوى الكوليسترول كان بدأ يعلى، فقررت أبقى صحي  
أكتر وآكل أكل نضيف
وألعب رياضة، والكوتش ساعدني في كل ده”.

من أهم المميزات الموجودة في الكوتش إن عندنا برامج تمارين رياضية لمستويات اللياقة المختلفة،
هو مش برنامج واحد ولا فيديوهات ثابتة بتظهر للكل، لكن احنا بنعرف منك شوية معلومات تساعدنا
في تصميم برنامج رياضي ليك مخصوص، زي وزنك وطولك ومستوى اللياقة اللي بنعرفه من مجموعة
أسئلة عن عدات التمارين اللي بتقدر تعملها، ونبدأ معاك بالتدريج علشان نساعدك تحقق هدفك
في فقدان الوزن الزائد أو التضخيم وزيادة الكتلة العضلية، ودي من أكتر الحاجات اللي ساعدت
شريف في البداية: “الأبليكشن ساعدني أرجع أحب الجيم تاني وأبتدي بداية تدريجية
وأفهم كل مرحلة هدفها إيه”
.

وبما إن  فيه ناس مبتقدرش تنزل  الجيم أو معندهاش وقت أو حتى لو الجيم قفل خالص، تقدر تختار
برامج التمارين المنزلية من الكوتش، واللي بتقدر تتمرن بيها في البيت من غير ما تحتاج جيم
ولا أدوات صعبة، وفي نفس الوقت فعالة جدا وهتلاحظ فرق كويس على لياقتك ووزنك بالانتظام عليها،
وده اللي عمله شريف: “كنت بتمرن في الجيم المستوى التوسط لمدة 3 شهور ولما كنت
مشغول ومش عارف أروح الجيم غيرت 
البرنامج لرياضة في المنزل وبصراحة فرق معايا جدا”.

شريف قدر يحقق هدفه من فقدان الوزن الزائد مع الكوتش وخس 20 كيلو، ووزنه نزل
من ١٠٨.٥لـ٨٨ كيلو، ونسبة الدهون نزلت من ٤٩% لـ ٣٦%.

انت كمان تقدر تبدأ رحلة التغيير دلوقتي وتحمل الكوتش على موبايلك وتختار برنامج التمارين الرياضية
اللي يناسبك زي التمرين في المنزل واللي ناس كتير بتختاره حاليا، وتتابع معانا كمان من جوه الأبليكشن
مع الكوتش وإخصائي التغذية لأي أسئلة عندك عن التمرين أو الأكل، كل ده بالإضافة لنظام التغذية
اللي هتحصل عليه واللي محسوب ليك بالظبط حسب عدد السعرات الحرارية اللي جسمك محتاجها
عشان توصل للجسم المثالي اللي بتحلم بيه، الكوتش هيحددلك وجبات الفطار والغدا والعشا والسناك
بمكوناتها وطريقتها، وكمان بدايلها علشان لو فيه حاجة مبتحبهاش أو مش متوفرة في الوقت الحالي.