بدائل البيض في الخبز والوصفات المختلفة

تغذية صحية
بدائل البيض

البيض مغذي جدا ولذيذ، بس هنعمل إيه لو البيض مش اختيار بالنسبة لنا؟ بالنسبة لبعض الناس، البيض خارج حدود الاختيارات، ممكن بسبب إنهم مش بيحبوه، أو عندهم حساسية منه. في كل الأحوال فكر في دمج بدائل البيض علشان متحصرش نفسك فيه.

بدائل البيض : الأساسيات..

سواء كنت بتتبع نظام غذائي نباتي، أو عايز بدائل البيض ، فممكن تستخدم بدائل البيض في الطهي والخبز.
بيعتمد البديل اللي بنستخدمه على الوظيفة المطلوبة للبيض في الوصفة دي. فمثلا، بيتم استخدام البيض في وظايف
زي التجليد والتخمير، بس استخدامه في الأطباق فاتحة الشهية بيبقى أوضح طبعا.
بتتراوح بدائل البيض من هلام الشيا “عبارة عن بذور الشيا مذوبة في مياه، إلى التوفو، اللي بيتصنع من تخثر حليب الصويا، بالإضافة للخلطات اللي بتخلي استبدال البيض سهل وفعال. على سبيل المثال، بيتكون مزيج واحد من بذور الشيا وحبوب الحمص، وبنزود معلقة كبيرة واحدة مع معلقتين كبار مياه، واللي بيعادل بيضة واحدة لاستخدامها في الوصفات،
بما فيها الكوكيز والبان كيك. اتبع التعليمات للحصول على أفضل النتايج.

نزل أبليكشن الكوتش دلوقتي علشان تاخد نظام تغذية متوازن وفيه كل العناصر الغذائية اللي جسمك محتاجها، وبرنامج تدريبي متكامل، بالإضافة لمتابعة من مختصي وخبراء التغذية والرياضة.

كيفية استخدام بدائل البيض

دي شوية طرق لاستبدال البيض في الوصفات. بيضة واحدة كبيرة بتبقى حوالي ربع كوباية. خلي دا في بالك كدليل للطهي والخبز دايما.

– خيار البيض المخفوق:

بدل كل بيضة كبيرة بـ3 مكعبات من التوفو. هنضرب التوفو شوية علشان يدينا نفس شكل
البيض المضروب. وهنضيف كركم عشان يبقي لونه أصفر زي البيض. رش مع الخميرة الغذائية شوية نكهة،
ولو عايز تحس أكتر كأنك بتاكل بيض هنضيف شوية من الملح.

– خيار البيض المسلوق:

لتقليد البروتين وملمس البيض المسلوق في السلطة والسندويشات، هناخد 3 من التوفو
لكل بيضة مسلوقة نستبدلها بيه، ونسخدمه زي البيض المسلوق المفروم. التوفو الجاهز والفاصوليا البيضا،
خيارات كويسة جدا.

– التجليد في الخبز:

لما بنحرك بذور الشيا في المياه أو العصير أو سائل تاني، الخليط بيقى جل جاهز للوصفات،
وبيجمع المكونات مع بعض في عنصر مخبوز.
جرب الوصفة دي: اخلطي معلقة كبيرة من بذور شيا مع 3 معالق كبيرة من المياه؛ وسيبها 20 دقيقة.
لو انت بتفضل بذور الكتان، استخدم مزيج من معلقة كبيرة من بذور الكتان المطحون مع 3 معالق كبيرة من المياه،
وسيبها لمدة 15 دقيقة على الأقل قبل ما تضيفها للوصفة. لو انت بتفضل المكسرات جرب 3 معالق كبيرة
من أي زبدة بندق بدل من بيضة كبيرة.

– تخمير المخبوزات:

لو عايز عيش متخمر حلو وعالي، اعمل الشيا أو جل بذور الكتان زي ما وضحنا فوق،
بعد كده هنضيف معلقة صغيرة من مسحوق الخبز للخليط. اضرب على أساس عدد البيض في الوصفة الأصلية.
بدائل البيض المسحوق ليها شعبية كبيرة وسهلة الاستخدام – مش هتحتاج تعمل حاجة غير إنك تتبع تعليمات
الشركة المصنعة وتخلط المسحوق بالماية.

– الرطوبة والغنى في الخبز:

سواء كانت الوصفة حلوة أو مالحة، بدايل البيض دي متعددة الاستخدامات في الخبز،
وبتوفر مزيج رائع من الرطوبة والغنى: الموز المهروس، أو التفاح، أو الأفوكادو، أو حبوب الحمص، أو التوفو الحريري.
استخدم ربع كوباية من أي من المكونات النباتية علشان تستبدل بيضة واحدة كبيرة.

– مصدر بروتين عالي الجودة:

لو بتدور على مصدر بروتين عالي الجودة في نظامك الغذائي بدل من البيض،
يبقي هناخد زبادي. بيحتوي ربع كوب من الزبادي اليوناني الخالي من الدهون على نفس الكمية من البروتين
اللي موجودة في بيضة واحدة كبيرة.

قائمة بدائل البيض في الطبخ والخبز مالهاش حدود. لما بتتخلى عن البيض، جرب الفواكه والخضروات الموجودة عندك،
زي هريس الخوخ أو زبدة التفاح أو البطاطا المهروسة أو البطاطا الحلوة – واللي بتعتبر مثالية بشكل خاص لتوفير الرطوبة
مع زيادة العناصر الغذائية النباتية. لو محتاجين لخميرة، يبقى هنضيف معلقة صغيرة من مسحوق الخبز لكل بيضة
بيتم استبدالها.


المصدر: http://bit.ly/2Zg1Dgh