إزاي تعرف الفرق بين الأصلي والمغشوش في المكملات الغذائية؟

مكملات غذائية
الفرق بين الأصلي والمغشوش

الفرق بين الأصلي والمغشوش في المكملات الغذائية مشكلة كبيرة عندنا في مصر، لأن بعض الدول اللي بتحط جمارك عالية على الحاجات دي، ومنها مصر، بيظهر وينتشر فيها المنتجات المغشوشة دي، علشان كده هنقولك على شوية حاجات تاخد بالك منها علشان تعرف..

الفرق بين الأصلي والمغشوش في المكملات الغذائية..

1- الباركود على العبوة

حمل أي أبليكشن من اللي بتقرا الباركود زي Bar code scanner، لأن الباركود ده هيديك موقع الشركة المنتجة للمكمل،
فتقدر تدخل عالموقع تعرف تفاصيل المنتج كلها، وتاريخ إنتاجه وتطابقه مع العبوة اللي معاك.

2- جودة الذوبان

تقدر كمان تعرف الفرق بين الأصلي والمغشوش من جودة الذوبان، لأن المكمل الأصلي سريع الذوبان في الماء،
على عكس المكمل المغشوش اللي مابيدوبش كويس أو بسرعة.

3 – تغليف العبوة والطباعة عليها

غالبا المكملات المغشوشة مبيكونش عليها الشرايط اللامعة اللي اسمها Hologram، وأوقات كتير بيكون التغليف نفسه
شكله رديء ومش مظبوط، افتح موقع الشركة واتأكد من شكل العبوة وغلافها وقارنه بالعبوة اللي معاك.

4- الشريط العازل حول الغطاء

معظم شركات المكملات الغذائية بتهتم بوضع غلاف بلاستيك أو شريط عازل حول الغطاء علشان تحمي المنتج
من الهواء والرطوبة وتحافظ على جودته وفعاليته.

5- ملصق وزارة الصحة

في مصر، معظم المكملات الغذائية الأصلية هتلاقي عليها ملق عليه رقم تسجيل المنتج في وزارة الصحة،
وتاريخ الإنتاج والانتهاء، وده دليل على إنه أصلي، لأنه دخل البلد بطريقة شرعية وتمت الموافقة عليه من وزارة الصحة.

ولو عايز مختص يرشحلك المكملات الغذائية اللي انت محتاجها، حسب هدفك، وحسب كمان وزنك، ويحددلك خطة تغذية
مناسبة وفيها كل العناصر الغذائية اللي جسمك محتاجها، مع برنامج تدريبي كامل، وهما الـ3 أضلاع الأساسيين لأي خطة متكاملة، حمل أبليكشن الكوتش دلوقتي!