أكلات صحية للتدفئة في الشتاء

تغذية صحية
أكلات صحية للتدفئة في الشتاء

مفيش حاجة أكتر انتعاشا من تناول وجبة سخنة في يوم برد. لو عايز أفكار دي وصفات سهلة وموفرة
وخيارات ممتازة لأي يوم من الأسبوع لأي حد بيدور على أكلات صحية للتدفئة في الشتاء .

4 أكلات صحية للتدفئة في الشتاء

وجبة اللحم المشوي

من غير تحمير ومن غير قلق.. مشوي وشوربة وشوية خضار
المكونات

  • قطع لحم مخلي من العضم
  • كيلو من البطاطس (مقطعه صغيرة)
  •  4 جزرات كبيرة (مقطعة بالطول)
  • 1علبة مشروم صغيرة (للشوربة)
  • مرقة لحمة
  • رشة بودر توم
  • رشة فلفل أسود مطحون
  • معلقتين كبار نشا الذرة (تخلط مع معلقتين كبار ماء) “اختياري”

الطريقة
نجهز وعاء كبير للشوي ونجهز البطاطس والجزر جنب اللحمة، ونرش عليهم بودر التوم والفلفل الأسود.
نغطيهم ونسيبهم على النار من 4 لـ 6 ساعات.
وممكن نضيف الشوربة والصوص حسب الاختيار.

وجبة الفراخ المشوية بالتوم

الفراخ المشوية من أفضل أكلات صحية للتدفئة في الشتاء الوجبة دي مش بس سهلة وبسيطة في التحضير،
لا كمان موفرة في الميزانية وممكن نستخدم فيها فراخ كاملة أو صدور فراخ فقط.
وبتتقدم مع البطاطس المهروسة أو أطباق الخضارأو السلطات.

المكونات

  • 4 فص توم (مفروم ناعم)
  • 1 معلقة صغيرة من البردقوش
  • نص معلقة صغيرة ملح
  • 1 معلقة صغيرة شطة
  • ربع معلقة صغيرة كمون مطحون
  • ربع ملعقة صغيرة فلفل أسود مطحون
  • معلقتين كبار زيت زيتون
  • 4 أرباع من الفراخ
  • نص كوباية شوربة فراخ  (اختياري)

الطريقة
هنسخن الفرن ونمزج التوم مع التوابل والملح والشطة والكمون والفلفل الأسود في طبق صغير.
نضيف زيت الزيتون ونخلطهم كويس. نهرس كل دا بشوكة لحد ما يبقوا عجينة.
نشيل الجلد وأي دهون زيادة، ونحط الفراخ في الوعاء، ونحط خليط التوابل والتوم عليهم.
ممكن نزود نص كوب من شوربة الفراخ (اختياري).
نسيبه لمدة من 40 لـ 50 دقيقة.

اعرف من هنا.. أكلات مفيدة للجسم في الشتاء بالمقادير والطريقة.

وجبة السجق والبطاطس

وجبة السجق والبطاطس ممكن نستخدم فيها أنواع كتير من السجق حسب المتوافر والمححب ليك.
المكونات

  • حوالي ¼ كيلو بطاطس (شرايح)
  • سجق
  • 1 بصلة كبيرة (شرايح)
  •  2 معلقة زبدة
  •  معلقة زيت زيتون
  • 1 معلقة صغيرة  زعتر
  • 1/2 كوب شوربة فراخ
  • رشة ملح وفلفل

الطريقة
هنسخن الفرن لدرجة حرارة 180 درجة.
هندوب 1 معلقة كبيرة من الزبدة مع زيت الزيتون على نار متوسطة, هنضيف البصل والسجق
ونقلب المزيج لحد ما البصل يحمر.
هنضيف تلت البطاطس ونرشها بالملح والفلفل ونضيف نص خليط السجق والبصل والزعتر . ونكرر الطبقات،
وآخر تلت من البطاطس من فوق نرش الطبقة العليا من البطاطس بالملح والفلفل ونقسم الزبدة لشرايح
صغيرة جدا ونضيفها فوق كل شرايح البطاطس من فوق. نسويها لمدة  ساعة من غير غطا ونغطى نكمل
تسويتها لمدة 45 دقيقة أو لحد ما البطاطس تبقى طرية ولونها دهبي.

فلفل محشي باللحم المفروم والرز

يعتبر الفلفل المحشي باللحم المفروم والرز وجبة يومية لذيذة مع السلطة والبطاطس المهروسة أو المخبوزة.
وبنستخدم  اللحم المفروم والرز، ممكن نستبدل اللحم المفروم بالرومي لخيار أخف.

المكونات

  • 6 فلفل أخضر (فلفل ألوان)
  • 1 معلقة زبدة
  • 1 معلقة كبيرة من زيت زيتون
  • 1/2 كوب من البصل المفروم
  • 1/2 كوب من الكرفس المفروم
  • 1/2 كيلو طماطم وهنقطعها مكعبات
  • 1/4 كيلو صلصة طماطم
  • 1 فص توم (مهروس ومفروم)
  • 1 معلقة صغيرة  زعتر
  • نص معلقة صغيرة ريحان
  • 2 معلقة صغيرة ملح
  • نص معلقة صغيرة فلفل أسود مطحون
  • 1 بيضة (تضرب برفق)
  • 1/2 كيلو لحم البقر المطحون
  • 1/2 كوب أرز طويل الحبة (مطبوخ)
  • ممكن نضيف جبنة (اختياري)

الطريقة

نجهز الفلفل ونقطع الراس ونشطفها تحت الماء ونشيل البذر ونحطه في طبق فيه ماء وملح
(وناخد جزء منه ونعمله مفروم ).
هنسخن زيت الزيتون والزبدة في طاسة كبيرة على نار متوسطة لحد ما الزيت يبقى سخن والزبدة رغوية.
هنقلي الفلفل الحلو المفروم والبصل المفروم والكرفس المفروم لمدة 5 دقايق تقريبًا أو لحد ما الخضار يستوي.
الخضار
نضيف الطماطم (مكعبات) وصلصة الطماطم والتوم المهروس والريحان ومعلقة صغيرة ملح
و1/4 معلقة صغيرة فلفل. نطهي الخليط لمدة 10 دقايق.

اللحم المفروم
في وعاء خلط كبير، نخلط البيض مع معلقة صغيرة ملح، وربع معلقة صغيرة فلفل، وصلصة. نحرك الخليط
ونضيف اللحم المفروم والرز المستوي وكوب من خليط صلصة الطماطم. ونقلب كويس.
هنسخن الفرن على درجة حرارة 180.
هنحشي الفلفل بخليط اللحم المفروم ونضيف الطماطم المتبقية على الفلفل المحشو.
نسيبة لمدة 45 دقيقة تقريبًا ونراقبه لحد ما يستوي كويس.

تقدر كمان تحمل أبليكشن الكوتش من هنا علشان تاخد نظام غذائي محسوب السعرات الحرارية
حسب وزنك وطولك وهدفك، وبرنامج تمارين رياضية كامل مناسب ليك سواء هتتمرن في البيت أو الجيم،
وتحصل على مساعدة المتخصصين من فريق الكوتش عن طريق خدمة مساعد الكوتش اللي بتقدر تتواصل
فيها مباشرة مع إخصائيين التغذية والكباتن لأي سؤال عندك.

المصدر: http://bit.ly/2TbDmbe