9 نصائح لتناول سناك صحي بدون زيادة وزنك

تغذية صحية
وجبات خفيفة صحية

تعريف ما نسميه سناك صحي هو الوجبات الخفيفة أو زي ما بنقول “التصبيرة” بين الوجبات الرئيسية، زي الفطار والغداء والعشاء، وطبعا دي مهمة جداً لينا بشكل عام، لأن الشعور بالجوع ما بين الوجبات ممكن يؤدي إلى الإفراط في تناول السناكس دي، علشان كده لازم تعرف ازاي تاكلها، وإيه اللي جسمك بيستفيد منه؟ وإيه اللي ممكن يضرك ويسبب زيادة وزنك؟ وإزاي ناكل وجبات خفيفة صحية بدون زيادة وزن.

نزّل تطبيق الكوتش الآن للحصول على برامج تمارين تناسب مستواك أياً كان
وأنظمة غذائية متنوعة مصممة لتحقق كل أهدافك الرياضية.

لما تحب تاكل حاجة خفيفة مرة أو مرتين بين الوجبات ده هيخليك متجوعش خالص، وكمان متضطرش إنك تزوّد في الغدا. والأكلات الخفيفة دي هتساعدك تستفيد بكل القيمة الغذائية اللي جسمك محتاجها. أما لو فضلت تاكل طول اليوم أكلات ليس لها قيمة غذائية، سيجعل ذلك وزنك يزيد. وحل الموضوع إنك تظبط لنفسك طريقة تاكل بيها وجبات خفيفة صحية بين الأكلات بطريقة ذكية.

9 نصائح لتناول سناك صحي

المكسرات لحرق دهون البطن

1- امضغ الأكل كويس

استمتع بطعم الأكل بأنك تمضغه بالراحة وبتأني، لأن في دراسة أثبتت أن اللي بيمضغ اللوز بالراحة مثلاً (لما يمضغه 40 مرة) ده بيخليه يستمتع بالطعم مدة أطول من اللي بيمضع نفس الكمية لكن بسرعة.

وجبات خفيفة صحية - لوز وبرتقال

2- حاول توفق بين الكربوهيدات والبروتين

حاول تجمع بين الأكلات اللي فيها بروتين والأكلات اللي فيها كربوهيدرات (مثلاً، زي شوية لوز مع برتقال)، أو إنك تاكل حمص محمص، وده هيديك خليط طبيعي من الكربوهيدرات والبروتين. وكمان الأكلات دي مليانة ألياف، والأكلات دي أثبتت الدراسات إنها بتمنع زيادة الوزن، وكمان بتساعدك أنك تقلل وزنك. والكربوهيدات بتمد عقلك وجسمك بالطاقة، بالإضافة لكدا، المأكولات الغنية بالبروتين هتشبعك لأنها بتتهضم ببطء.

سناكس صحية - عنب

3- العنب الساقع

لما تاكل حبات العنب من التلاجة هتضطر تمضغهم براحة لأنهم هيكونوا ساقعين! وكمان مش هتكتر، وأثبتت الأبحاث إن الأكل بالراحة بيساعدك تقلل من كميات الأكل بتاعك. وكمان هتلاقي فيه كمية كويسة من السعرات الحرارية.

وجبات صحية

وجبات خفيفة

4-جرب تاكل حاجة حلوة

أهم سر يخليك تقلل وزنك هو إنك تاكل جزء صغير من الحاجات اللي بتحبها كل فترة. مثلاً لو انت بتحب كوباية عصير مع وجبة الغداء، أكيد هتبقى أساسي في وجبتك، طيب وبالنسبة لو بتفضل الحلويات؟ أكيد كلنا بنحبها، ولو حابب تتغذى صح جرب شوكولاتة دارك سعراتها قليلة، ولما تاكل حتة صغيرة كل يوم ده مش هيضيع مجهودك متقلقش، لأن الكلام مُثبت علمياً من أكبر المجلات العالمية المتخصصة في العلم الغذائي Journal of the American Dietetic Association.

وجبات خفيفة صحية - فشار

5- نوّع في الأكل بس بتركيز

الأكل الكتير وانت قاعد قدام التلفزيون ده أكيد هيخلى وزنك يزيد. وفي دراسات أثبتت إن الناس اللى بتاكل وجبتها من غير ما تركز في أي حاجة تانية بتشبع أحسن، وبتاكل أقل باقي اليوم. وده طبعاً مش معناه أنك تمنع نفسك أنك تستمتع بالسناكس بتاعتك قدام التلفزيون. أهم حاجة تخلي وجبتك دي صحية، مثلاً زي الفشار اللي معمول في الفرن أو الميكروويف يعني غير مضاف له أي زيت.

وجبات خفيفة صحية - زبادي وفاكهة

6- اجعلها وجبات لذيذة لكن صحية

بما إن معظم الناس حاليا لا تأخذ كفايتها من أكل الفواكه والخضروات، اجعل وجبتك كاملة متكاملة، جرب تاكل كرفس مع زبدة الفول السوداني، أو زبادي بالفواكه، لأنهم مفيدين جداً. أولاً الفواكه والخضروات بتمدك بالفيتامينات والمعادن اللازمة، ثانياً فيها سعرات حرارية أقل ونسبة ألياف عالية. وبذلك أصبحت وجبتك لذيذة وكمان مفيدة.. اعرف السعرات الحرارية في الفواكه.

أزاي اعمل سناكس في البيت ؟

7- السناك معاك في أي مكان

متشتريش أكل من بره، وخلي معاك السناكس اللي جايبها من البيت. دي هتوفرلك فلوس وكمان هتديك قيمة غذائية أحسن. ومعروف طبعاً إن شراء الوجبات من بره بيكون أغلى بكتير من إنك تجيبهم معاك من البيت. يعني مثلاً لو هتجيب حبتين خصار معاك من البيت ممكن تكون تكلفتهم بسيطة جدا لكن لو هتجيبهم من بره في سلطة جاهزة هتكون أغلى وكمان مش مضمونة.

سناكس صحية - زبادي وجرانولا

8- اختار سناكس الليل صح

لو العشاء كان خفيف أوي وحسيت إنك جعان بليل، في بعض الأكلات اللي ممكن تخليك تنام مرتاح، مثلاً السناكس اللي مليانة كربوهيدرات وكمان فيها بروتين خفيف، ممكن تزود نسب التربتوفان في الدماغ، وده الهرمون اللي بيخليك تنااااام. هتجرب بقى الزبادى قليل الدسم معاه شوية جرانولا أو الشوفان أو تفاح متقطع وعليه شوية زبدة فول سوداني.

وجبات خفيفة - فواكه مجففة

9- لا تجعل السفر يمنعك من سناك صحي

مهما سافرت أي مكان، ابقى دايما جاهز بالسناكس الصحية اللي هتاخدها في طريقك. يعني مثلاً لو سفرية مش بعيدة، خد معاك ربع كوب فاكهة مجففة زي مثلاً المشمش، أو شوية مكسرات أو لب، شوية حاجات مقرمشة، تقدر تكمل بيها مع الوجبة اللي ممكن تأكلها. واشرب مياه كتير طبعاً.

 

تطبيق الكوتش يمكنه مساعدتك في اختيار السناكس الصحية اللذيذة وطريقة تحضيرها، بالإضافة لنظام تغذية كامل بكل الوجبات التي يحتاجها جسمك حسب عدد السعرات الحرارية الملائمة لك.

وجبات دايت

المصدر: Eatingwell

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *