أفضل الأغذية للحصول على البروتين

تغذية صحية
أفضل الأغذية للحصول على البروتين

البروتين بيساعدنا نتخلص من الوزن الزيادة في جسمنا، وفي نفس الوقت بيدينا الإحساس بالشبع، المهم إننا ننظم الكمية المناسبة، والوقت المناسب ليه، علشان نكسب أكبر فايدة ممكنة منه. دي مجموعة من أفضل الأغذية للحصول على البروتين بشكل طبيعي.

المأكولات بحرية

المأكولات البحرية من أفضل الأغذية للحصول على البروتين ، لأنها في الغالب بتكون قليلة الدهون, بس سمك السلمون نسبة الدهون بتكون عالية فيه شوية، لكنه بيفيدنا جدا لأنه بيحتوي على أحماض أوميجا 3 الدهنية.

لحوم الدواجن البيضاء

لازم نعتمد على لحوم الدواجن البيضاء علشان هي بتكون مصدر غني بالبروتين على عكس اللحوم الغامقة،
بتكون نسبة الدهون فيها أعلى، بس لازم نخلي بالنا إننا نشيل الجلد قبل الطهي في كل الحالات،
لأنه بيكون مشبع بنسبة كبيرة من الدهون.

الحليب والجبن والزبادي

الألبان بشكل عام زي الحليب والجبن الزبادي بتكون مصادر ممتازة للبروتين، وفيها كمان الكالسيوم وفيتامين د.

المقال ده كمان مهم وهيعرفك اين يوجد البروتين في المغذيات الطبيعية وأهميته.

البيض

البيض يعتبر من أسهل وأقل تكلفة لمصادر البروتين. جمعية القلب الأمريكية بتقول إن البالغين الأصحاء العاديين
يقدروا ياكلوا بيضة يوميًا بأمان بدون أي أضرار.

فاصوليا

نص كوب بس من الفاصوليا فيه كمية كبيرة جدا من البروتين زي قطعه اللحم المشوي بالظبط! وزيادة على ده بتكون مغذية ومليانة بالألياف، وهتخليك  شبعان لساعات كتيرة .

الصويا

50جرام من بروتين الصويا كل يوم بيساعد في خفض نسبة الكوليسترول في الدم حوالي 3 ٪ . وأكل  بروتين الصويا بدلاً من مصادر البروتين عالية الدهون، والحفاظ على نظام غذائي صحي، بمفيد لقلبك جدا.

اللحم البقري

لحوم البقر الخالية من الدهن بيكون فيها حوالي 2 جرام من الدهون المشبعة أكتر من صدور الفراخ الخالية من الجلد،
ونقدر نقول لحم البقر الطري هو بردو مصدر ممتاز للزنك والحديد وفيتامين B12.

بروتين على الماشي

لو معندكش وقت تاكل وجبة كاملة غنية بالبروتين، فانت تقدر تاخد كمية بروتين كويسة من مشروبات البروتين،
أو بار البروتين، بس لازم تتأكد من المنتج إن يكون فيه 6 جرام على الأقل من البروتين، ونسبة السكر والدهون
فيه تكون قليلة جدا.

البروتين في الفطار

الأبحاث بتقول إننا لو ضمينا مصدر من مصادر البروتين في الفطار زي البيض أو الزبادي مع الحبوب الغنية بالألياف،
ده بيساعدنا على الشعور بالشبع لأطول وقت، وكمان بيخلينا ناكل كميات أقل من الأكل على مدار اليوم.

ولو عايز تاخد خطة تغذية كاملة محسوب فيها احتياجك من البروتين ومتوزع صح في وجباتك على مدار اليوم علشان جسمك ياخد احتياجه الكامل منه، وكمان باقي العناصر الغذائية، ومحسوب السعرات الحرارية حسب وزنك وهدفك، حمل أبليكشن الكوتش دلوقتي!

المصدر:

https://wb.md/2YRR3v4