أسعار المكملات الغذائية في مصر

مكملات غذائية
أسعار المكملات الغذائية

هي أسعار المكملات الغذائية في مصر كام دلوقتي؟

قبل ما نتكلم عن أسعار المكملات الغذائية في مصر، لازم نفهم الأول إيه هي المكملات وأنواعها؟
زي ما واضح من اسمها هي “مكملات” حاجات بناخدها علشان نكمل نقص في عناصر معينة في جسمنا،
أو علشان لما بنلعب رياضة سواء كارديو أو أوزان بنحتاج سعرات أكتر، أو نسب أعلى من عناصر معينة زي البروتين مثلا،
علشان العضلات تاخد كفايتها منها.

أنواع المكونات كتير زي:

مكملات البروتين:

ليها كذا نوع وأشهرهم هو الواي بروتين ، وده أشهر نوع من البروتين وأكترهم انتشارا. وفي الكازين،
وده نوع تاني من البروتين أقل شهرة شوية من الواي بروتين، لكن كل واحد فيهم مهم في وقت معين،
فالواي بروتين مثلا سريع الامتصاص، المفروض تاخده خلال 30 دقيقة من نهاية تمرينك، لكن الكازين بيحتاج من ساعتين لسبع ساعات علشان الجسم يمتصه، فممكن مثلا تاخده بليل قبل النوم.

فيه كمان مكمل الكرياتين اللي هو عبارة عن بروتين الجسم بيكونه بس بنسبة بسيطة، فبنحتاج ناخده من مصادر خارجية سواء الأكل زي اللحمة والسمك، أو بشكر أكتر تركيز عن طريق جرعات المكملات.

الأمينو اللي هو الأحماض الأمينية، واللي بعتبر الأساس لبناء خلايا العضلات، واللي الجسم مبيصنعهاش،
لكن بياخدها من مصادرخارجية زي الأكل أو في شكل المكملات، أما الـBCAA فهي سلسلة الأحماض الأمينية المتشعبة،
واللي بتكون مهمة جدا للرياضيين علشان التخسيس والتنشيف.

مكملات الطاقة (Pre-workout):

بتتكون في الغالب من خليط عالي التركيز من الكافيين ومجموعة فيتامينات وأحماض أمينية،
وبيتخلط بمياه ويتشرب قبل التمرين بنص ساعة، فيخلي أدائك أقوى، لكن لازم تاخد بالك إنك متستمرش عليها فترات طويلة،
لأن ليه أعراض جانبية، ممكن تأثر بالسلب على صحتك.

محفزات إفراز هرمون النمو (GH booster):

وهي مكملات بتحفز وتزود إفراز هرمون النمو بشكل طبيعي من الجسم، وهرمون النمو هو المسؤول عن زيادة حجم العضلات، والقوة، وخسارة الوزن، بيكون النوع ده من المكملات في شكل كبسولات وبيتم تناوله قبل التمرين.

حوارق الدهون (Fat burners):

نوع من المكملات بتساعد على خسارة الوزن وحرق الدهون، عن طريق زيادة نسبة التمثيل الغذائي في الجسم،
يعني زيادة حرق السعرات الحرارية في الجسم. فيها نسبة عالية من الكافيين فبتمد الجسم بالطاقة،
لكن ليها أضرار في بعض الحالات زي الصداع والتوتر وارتفاع ضغط الدم.

أسعار المكملات الغذائية

لكن بعد ما اتكلمنا عن الأنواع دي وفوايدها، لازم نأكد أن في شروط معينة لاستخدام المكملات بشكل عام وأهمها:

أن يكون عمرك أكبر من ١٨ سنة
ميكونش عندك أي أمراض في الكلى أو الكبد أو مشاكل في القلب أو ضغط الدم.
لازم تستشير طبيبك الخاص قبل تناول أي مكمّل.
لازم تقرأ كويس طريقة الاستخدام وتاريخ الصلاحية والأعراض الجانبية.

طبعاً زي ما بنأكد كل مرة، كل واحد فينا ليه طبيعة جسم ونظام أكل مختلف، فلازم نتابع مع مدرب أو خبير تغذية،
عشان نوصل لأحسن نتيجة ممكنة، ودا متوفر من خلال ابلكيشن الكوتش، اللي بيقدملك برامج تمارين وتغذية من أفضل المدربين والخبراء في المجال.

أسعار المكملات الغذائية في مصر للأسف أغلى من السعر العالمي بكتير، خصوصا بعد ارتفاع سعر الدولار،
ولأن بيتضاف لها الجمارك والضراب والشحن والمكسب، فبيعلي سعرها عندنا، دي الأسعار التقريبية للمكملات الغذائية الموجودة في مصر حاليا، ممكن تزيد أو تقل بنسب بسيطة من مكان للتاني.

أسعار أشهر أنواع البروتين

سعر واي جولد ستاندرد وزن 2 كيلو بـ1850 جنيه، وسعر الأيزو بوليك بروتين وزن 2 كيلو 1800 جنيه،
أما سعر برو انتيوم بروتين وزنه 2 كيلو ونصف 1500 جنيه، وسعر ايزو 100 بروتين 2 كيلو 2300 جنيه،
وسعر الكرياتين وزن 300 جرام من 300 لـ400 جنيه.

أما سعر ماس فيوجن وزن 7 كيلو 1850 جنيه، وجيم فيت واي بروتين الـ2 كيلو سعره 900 جنيه، و
نيتروتك وزن كيلو 1150 جنيه، ووزن الـ2 كيلو سعره 1950 جنيه، وهيدروكسي كت next gen 100 كبسولة 650 جنيه،
وسعر ليبو 6 بلاك الـ60 كبسولة بـ550 جنيه.

أسعار أشهر أنواع الفيتامينات

اوبتي مين مالتي فيتامين 150 كبسولة سعره 650 جنيه، والـ Amino Edge 420 جرام اللي بيوفروا 28 جرعة بـ720 جنيه.
No-explode 30 جرعة سعره 700 جنيه، وهو نفس سعر امينو انرجي 30 جرعة.

 

سعر انيمال بامب 30 جرعة 850 جنيه، وسعر C4 60 جرعة بـ750 جنيه، وسعر نيتروتك واي جولد وزن كيلو 1150 جنيه،
ووزن الـ2 كيلو 2100 جنيه، أما سعر انيمال ام ستاك 21 حزمة 800 جنيه، وسعر هيدرو بيور وزن 2 كيلو 1850 جنيه،
و30 جرعة من اكستند BCAA هو 650 جنيه.

 

خلي بالك، بعد ما عرفنا أسعار المكملات الغذائية فلازم تشتريها من مكان موثوق ومتأكد منه 100%، لأن في منها أنواع مغشوشة حاليا كتير ومنتشرة،
ودي ممكن تأثر عليك بالسلب وتضرك بدل ما تديك الفايدة اللي منتظرها منها.

هتلاقي في الكوتش تمارين وأنظمة تغذية مخصصة عشانك ومعها كمان كل المكملات اللي أنت محتاجها عشان تكمل فورمتك، نزّل أبلكيشن الكوتش وابدأ النهاردة.

تطبيق الكوتش