رجيم الصيام المتقطع بكل تفاصيله وفوائده

تغذية صحية
رجيم الصيام المتقطع

الصيام عنصر أساسي في كتير من الديانات والثقافات المختلفة في العالم وبيتطبق من الآف السنين،
ودلوقتي في أنواع جديدة تشبه الصيام بحد كبير ممكن نستخدمها لخسارة الوزن.
طريقه الـ 16/8 في رجيم الصيام المتقطع واحدة من أهم الأساليب والأكتر شعبية
اللي الناس بتستخدمه لخسارة الوزن. هنتكلم في المقال ده عنه وازاي نعمله وإذا كان مناسب ليك.

بطريقة سهلة شرحه هو: التقليل من استهلاك الأكل والمشروبات اللي فيها سعرات حرارية
لمدة 8 ساعات، والامتناع عن الأكل الـ16 ساعة الباقية، وممكن نكرر الموضوع  دا مرة  أو مرتين
في الأسبوع، أو ممكن كل يوم زي ما تحب، وأحب أقولك إن الأسلوب دا انتشر جدا
في السنين الأخيرة، وخاصة  اللي عايزين ينزلوا وزنهم أكتر ويحرقوا دهون،
عشان الأنظمة التانية بتحط قواعد ومعايير مش المفروض إنك تكسرها عشان تحقق النتيجة،
فكان من السهل إنك تستعمل الأسلوب دا، وخاصة إنه بيحقق النتايج بأقل مجهود،
لأنه ببساطة أقل تقييد وأعلى مرونة، وبيتناسب مع أي نمط.

إزاي تبدأ رجيم الصيام المتقطع ؟

الأول أحب أطمنك إن الأسلوب ده بسيط وآمن. في البداية اختار 8 ساعات وقلل من تناول الأكل
في الفترة دي. ناس كتير بياكلوا  بين الضهر والساعة 8 بليل، لأن ده بيخليك مبتحتاجش الصيام
إلا في فترة الليل لحد الصبح، وبتتخطى الفطار بس، وبتاخد الغدا والعشا بشكل متوازن،
وممكن بعض الوجبات الخفيفة في النص.

وناس تانية بتختار الفترة من 9 الصبح لـ 5 المغرب، وده بيديك وقت أكتر للفطار الصحي، وغدا في الضهر،
وآخر وجبة الساعة 4 العصر قبل بداية الصوم. وممكن تغير وتختار الفترة اللي تناسبك،.
وبغض النظر عن وقت الأكل، الأطباء بيوصوا بتناول وجبات صغيرة ووجبات خفيفة متباعدة بشكل
متساوي على طوال اليوم، عشان تساعد  في استقرار مستويات السكر في الدم وتسيطر على الجوع.
عشان تزود الفوايد الصحية للنظام الغذائي، اتمسك دايما بالأكل والمشروبات المغذية خلال فترة الأكل.

أكلات مغذية خلال اتباع الرجيم

الفواكه: التفاح، الموز، التوت، البرتقال، الخوخ، والكمترى، إلخ.
الخضروات: البروكلي، القرنبيط، الخيار، الخضر الورقية، الطماطم، إلخ.
الحبوب الكاملة: الكينوا، الرز، الشوفان، إلخ.
الدهون الصحية: زيت الزيتون، الأفوكادو، وزيت جوز الهند، إلخ.
مصادر البروتين: اللحوم، والفراخ، والسمك، والبقوليات، والبيض، والمكسرات، والبذور، إلخ.

وشرب المشروبات الخالية من السعرات زي الشاي والقهوة بس من غير سكر،
حتى في فترة رجيم الصيام المتقطع ، بيساعد على التحكم في الشهية وترطيب الجسم.
بس خد بالك أي إفراط في الوجبات السريعة بيلغي الإيجابيات بتاعة النظام، وبتؤدي في النهاية لضرر أكتر من الفوايد.

فوائد رجيم الصيام المتقطع

– زيادة على إنه سهل، فانت ممكن تستخدمه على فترات تمتد لسنين بالإضافة كمان إنه موفر.
– بيعزز عمليات الحرق وبيزود من خسارة  الوزن.
– بيحسن من السيطرة على نسبة السكر في الدم, بيقلل مستويات الأنسولين في الصيام بنسبة تصل لـ 31 ٪ وبتقلل نسبة السكر في الدم بنسبة 3-6 ٪، بالتالي بيقلل من خطر الإصابة بمرض السكر.

متنساش تحمل أبليكشن الكوتش من هنا علشان تاخد نظام تغذية محسوب السعرات الحرارية
حسب وزنك وطولك وهدفك، وبرنامج تمارين رياضية كامل مناسب ليك سواء هتتمرن في البيت أو الجيم،
وتحصل على مساعدة المتخصصين من فريق الكوتش عن طريق خدمة مساعد الكوتش اللي بتقدر تتواصل
فيها مباشرة مع إخصائيين التغذية والكباتن لأي سؤال عندك.

المصدر: http://bit.ly/2u06vM8